ବୀରପୁତ୍ର : ରଞ୍ଜନ କୁମାର

            କାବ୍ଯଭୂଷଣ ଶିବ ପ୍ରସାଦ ବାହିନୀପତି 

                       ସମ୍ପାଦକ - ଉଦୟ ଭାନୁ 

@@@@@@@@@@@@@@@@@

ଝରେ ଝର ଝର     ଲୋତକ ନିର୍ଝର

       ଅଞ୍ଚଳ ବନ୍ଯା ପ୍ଲାବିତ

  ଆପଣା ସ୍ବଜନ     ପ୍ରିୟ ପରିଜନ 

      ସର୍ବେ ଶୋକେ ଅଭିଭୂତ ।

          ସମ୍ପର୍କକୁ କରି ତିକ୍ତ ;

ଥିଲା କେଉଁ ଦୋଷ      କଲ କାହିଁ ରୋଷ

          କରିଲନି କାହିଁ ବ୍ଯକ୍ତ ? ୧

ଏମିତି ଭାବରେ     ଛାଡ଼ି ଗଲା ପରେ

          ଜାଣିକି ନଥିଲ ତୁମେ

କେତେ ଯେ ହୃଦୟ     କାନ୍ଦିବ ନିଶ୍ଚୟ 

          ବାହୁନି ଏ ମରଧାମେ ! 

      ମେଦିନୀ କମ୍ପେ ରୋଦନେ ;

  ସମାଜ ସଂସ୍କାର     ମନ୍ତ୍ର ଥିଲା ଯା'ର 

       ହୃତ ସେ କେଉଁ କାନନେ । ୨

    କଳୁଷିତ ଏଇ     ସମାଜଟା ପାଇଁ 

           ବିଳପି ଉଠେ ଯା' ହୃଦ

   ଦଇବ ଦାରୁଣ      ଦେଲା କି କଷଣ 

         କୋଟି ଜନ ମନେ ଖେଦ ।

          ନିଦ୍ରାବତୀ ଦେଲେ ନିଦ ;

   କଞ୍ଚା ବାଛି ନେଲା     ରଖିଲା ପାଚ଼ିଲା

          ଯମ ଆଚ଼ରିଲା ବାଦ । ୩

     ଅନ୍ୟାୟ ଅନୀତି     ସ୍ବାର୍ଥମୟ ପ୍ରୀତି

                ଲାଞ୍ଚ କଷଣ ଧର୍ଷଣ 

       ଭଣ୍ଡ ରାଜନୀତି     ଶୋଷଣର ସ୍ଥିତି

                ସମାଜ ସାରା ବର୍ଷଣ ।

                ସାଜି ତୁମେ ଭଗବାନ ;

          ଦୁର୍ଜନ ଦମନ     କରିବାର ପଣ

               କରି ସାଜିଲ ମହାନ । ୪

ମୋ' ସର୍କାର କହି     ଡ଼ିଣ୍ଡିମ ପିଟଇ

        ଆସନ ଲୋଭୀ ରାଜନ

ଆମ୍ବଡ଼ା ଦେଖାଇ     ବରକୋଳି ଦେଇ

       ପରୋକ୍ଷେ କରେ ଶୋଷଣ । 

            ପ୍ରଜାଗଣ ମ୍ରିୟମାଣ ;

ଥିଲ ବୋଲି ତୁମେ     ଏ ମରତ ଧାମେ

         କରୁଥିଲ ଆନ୍ଦୋଳନ । ୫

     ସରକାରଙ୍କର     ସୂଚ଼ନାଧିକାର

             ଆଇନ୍‌ର ଥଳି ଧରି

    ସୂଚ଼ନା ଗୋଟାଇ     ଦୁର୍ନୀତି ହଟାଇ

             ଦୁର୍ଜନଙ୍କର ବଇରୀ ।

            ବ୍ଯୁହ କରିଲେ ତିଆରି ;

     ରାତାରାତି କଳା      ବନିଗଲା ଧଳା

           ପିଣ୍ଡୁ ପ୍ରାଣ ନେଲେ ହରି । ୬

      ଯଦିବା ରକ୍ଷକ     ସାଜିବ ଭକ୍ଷକ 

              କାହାକୁ ଭରସା କୁହ

    ଅଛି ଆଉ କିଏ       ପୋଛିଦେବ ଯିଏ

               ଗରିବ ଆଖିର ଲୁହ ।

                ପରାଣଟା ଦୁର୍ବିସହ ;

        ସ୍ବାର୍ଥବାଦୀଗଣ     ହରିନେଲେ ପ୍ରାଣ

               ସତ୍ଯ ଲୁଚ଼ାଇଲା ମୁହଁ । ୭

       କେନ୍ଦ୍ରାପଡା ମାଟି     ଧନ୍ୟ ବୋଲାଇଛି

                   ତୁମ ପରି ପୁତ୍ର ପାଇ

           ରଞ୍ଜନ କୁମାର     ଅଞ୍ଚଳଯାକର

                 କୁମର ଥିଲଟି ହୋଇ ।

                  ସସ୍ର ପ୍ରଣିପାତ ଭାଇ ;

         ଚ଼ିରଦିନ ତୁମେ     ବୀରପୁତ୍ର ନାମେ

                  ଅମର ଥିବଟି ରହି । ୮

**********************************

ଭାଟପଡ଼ା,ନିରାକାରପୁର,କଣାସ (ପୁରୀ)

        ସମ୍ପର୍କ - ୮୯୧୭୪୮୦୫୩୬ 

**********************************