sahityasarani

  କାବ୍ଯଭୂଷଣ ଶିବ ପ୍ରସାଦ ବାହିନୀପତି        ସମ୍ପାଦକ - ଉଦୟ ଭାନୁ  ଫିକା ଲାଗେ ଆଜି     ରାକ୍ଷୀ ପୂର୍ଣ୍ଣମାସୀ            ହାତଟା ପଡ଼ିଛି ଖାଲି ସବୁ ସାଙ୍ଗସାଥୀ     ବାନ୍ଧିଛନ୍ତି ରାକ୍ଷୀ        ଦେଖି ଝରେ ଅଶ୍ରୁବାରି ।        କୋହ ଉଠେ ଢ଼େଉ ପରି ଏମିତି ମୁଁ ଏକ      ଅଭାଗା ମଣିଷ       କାହିଁକି ଯାଉନି ମରି ?୧। ଧର୍ମ ରଖି ସାକ୍ଷୀ     ଭଉଣୀ କରିଛି        ମାଗିଥିଲି ଗୋଟେ ଥର ଭଉଣୀ ଲୋ ମୋତେ     ରାକ୍ଷୀଟିଏ ଦେବୁ           ଦେଇଥିଲା ସେଇଥର ।           ଦେଇନି ପାଉଣା ତା'ର  ସେ ଲାଗି ଭଉଣୀ      ଏସନ ଦେଲାନି       ଶୂନ୍ଯ କଲା ମୋର କର ।୨। ସ୍ନେହ ଶରଧାରେ      ଭଲପାଇବାରେ         କିଛି ବୋଧେ ଉଣା କଲି ସେ ଲାଗି ଭଉଣୀ      ରାକ୍ଷୀଟେ ଦେଲାନି            ଭାଇ ହେଲା ହତଶିରୀ ।            ବ...

କାବ୍ଯଭୂଷଣ ଶିବ ପ୍ରସାଦ ବାହିନୀପତି                   ସମ୍ପାଦକ - ଉଦୟ ଭାନୁ        ମାନବ ଜନ୍ମ ଠାରୁ ଶ୍ରେଷ୍ଠ ଜନ୍ମ ସଂସାରରେ ନାହିଁ , ଏକଥା ବେଦୋପନିଷଦ ବି ପ୍ରମାଣ ଦିଏ । ସ୍ବୟଂ ସୃଷ୍ଟିକର୍ତ୍ତା ବ୍ରହ୍ମା ବି ଆଚ଼ମ୍ବିତ , ବ୍ରହ୍ମାଙ୍କ ବାଣୀ ଅନୁସାରେ :-                   "ଆହା କି ସୁନ୍ଦର ସଂସାର ,                  ଲତା ପାଦପ ପକ୍ଷୀ କୁଳ ।                 କୀଟ ପତଙ୍ଗ ଯେତେ ଜୀବ ,                  ଭେଇଲି ମରତେ ମାନବ ।                   ମାଟି-ଆକାଶ-ଜଳ-ବାୟୁ ,                 ପ୍ରାଣୀଙ୍କ ଠାରେ ଦେଲି ଆୟୁ ।                    ବିଶ୍ବାସ ନ ଆସଇ ମୋର ,                   ମରଧାମରେ ଦେଖି ନର ।"      କହିବା , ବୁଝିବା , କାର୍ଯ୍ୟ ...

କାବ୍ଯଭୂଷଣ ଶିବ ପ୍ରସାଦ ବାହିନୀପତି                   ସମ୍ପାଦକ - ଉଦୟ ଭାନୁ         ହିନ୍ଦୁ କହିଲେ ଭାରତୀୟ ଉପମହାଦେଶର ମୂଳ ନିବାସୀ ମାନଙ୍କର ଦାର୍ଶନିକ , ଧାର୍ମିକ ଓ ସାଂସ୍କୃତିକ ଭାବଧାରାକୁ ବୁଝାଏ । ସାଧାରଣ ଭାବରେ ହିନ୍ଦୁ ଧର୍ମାନୁଗାମୀ ମାନେ ହିନ୍ଦୁ ଭାବେ ପରିଚ଼ିତ । ହିନ୍ଦୁମାନେ ଆତ୍ମା , କର୍ମ , ଅବତାରବାଦ, ପୁନଃଜନ୍ମ , ମୂର୍ତ୍ତିପୂଜା , ଅହିଂସା ଆଦିରେ ବିଶ୍ବାସ କରନ୍ତି । ବହୁ ପ୍ରାଚ଼ୀନ କାଳରୁ ହିନ୍ଦୁ ଧର୍ମକୁ "ସନାତନ ଧର୍ମ" ବି କୁହାଯାଉଛି । ଏହି ହିନ୍ଦୁ ଶବ୍ଦଟି ସିନ୍ଧୁ ନଦୀରୁ ଆନୀତ । ସିନ୍ଧୁ ନଦୀର ପଶ୍ଚିମରେ ବସବାସ କରୁଥିବା ପାର୍ସି , ଆରବିକ ଅଧିବାସୀ ମାନେ ବି ହିନ୍ଦୁ ନାମରେ ପରିଚ଼ିତ । ସିନ୍ଧୁ ନଦୀର ପୂର୍ବଦେଶ ହିନ୍ଦୁସ୍ଥାନ , ସେଠାକାର ଅଧିକାଂଶ ଅଧିବାସୀ ହିନ୍ଦୁ । ହିନ୍ଦୁ ଧର୍ମ ଏକ ଧାର୍ମିକ ମତବାଦ ବା ଧାରା ଯାହା ମୁଖ୍ଯତଃ ଭାରତୀୟ ଉପମହାଦେଶରେ ଅନୁସରଣ ହୋଇଥାଏ । ଏହି ଧର୍ମ କୌଣସି ବ୍ଯକ୍ତି ବିଶେଷ ସ୍ଥାପନା କରିନାହିଁ ; ଏହା ପ୍ରାଚ଼ୀନ କାଳରୁ ଭିନ୍ନ ଭିନ୍ନ ମତ ଓ ବିଶ୍ବାସରୁ ଉତ୍ପନ୍ନ ।       ହିନ୍ଦୁ ଧର୍ମର ଉତ୍ପତ୍ତି ସମୟ ସମ୍ବନ୍ଧରେ ମତ ପାର୍ଥକ୍ୟ ଥିଲେ ବି ଏହା ପ୍ରାୟ ଖ୍ରୀ.ପୂ. ୨୦୦୦-୧୫୦୦ ମଧ୍ୟରେ ଉତ୍ପତ୍ତି ହୋଇଥିଲା ବୋଲି କିଛିଙ୍କ ମତ । ୯୨ ...

କାବ୍ଯଭୂଷଣ ଶିବ ପ୍ରସାଦ ବାହିନୀପତି               ପୁରୀ ଜିଲ୍ଲାର କଣାସ ବ୍ଲକର ଗୋଟିଏ ଗ୍ରାମ ଭାଟପଡ଼ା । ଯେଉଁଠି ଅଛି ମୋ' ଷଠୀଘର । ମାତ୍ର ଶହେ ଘରର ସମଷ୍ଟିକୁ ନେଇ ମୋ' ଗାଁଟି ମଥା ଟେକି ଛିଡ଼ା ହୋଇଛି । ପ୍ରାୟ ଏକ ହଜାରରୁ ଉର୍ଦ୍ଧ୍ବ ବାସିନ୍ଦା । ପରସ୍ପର ସ୍ନେହ ପ୍ରେମ ବିରାଜିତ । କିନ୍ତୁ ଆଜିର ଏ କୂଟ ରାଜନୀତିର ପଶାପାଲିରେ ବଳି ପଡ଼ି ଯାଇଛନ୍ତି କିଛି ଲୋକ । ଗାଁରେ ପ୍ରାୟ ସମସ୍ତେ ଦୀନ ମଜୁରିଆ । କାଁ ଭାଁ ଚାକିରିଆ ଅଛନ୍ତି । କ୍ଷେତବାଡ଼ି କାମ ପ୍ରାୟ ଲୋକ କରନ୍ତି । ଗାଁର ଅଧିକ ସ୍ବଚ୍ଛଳତା ଉପରକୁ ବହୁତ ଭଲ ; ହେଲେ ପ୍ରକୃତରେ ସେତେ ଉନ୍ନତ ନୁହେଁ । ଗାଁ ମଝିରେ ଗ୍ରାମେଶ୍ବର ମହାଦେବଙ୍କ ମନ୍ଦିର ଓ ତା ସନ୍ନିକଟେ ଗ୍ରାମଦେବୀ ମା' କ୍ଷେତ୍ରପାଳୀଙ୍କ ଆଳୟ । ଗାଁର ପ୍ରାଚୀ ଦିଶେ ଅନତି ଦୂରରେ ଜଣେ ଦୀନ ହୀନ ବ୍ରାହ୍ମଣ ପ୍ରମୋଦ ବାହିନୀପତିଙ୍କର ଅଦମ୍ଯ ଉଦ୍ଯମରେ ଗଢ଼ି ଉଠିଛି ମା' ତାରିଣୀଙ୍କ ମନ୍ଦିର । ଭିକ୍ଷା କରି ବ୍ରାହ୍ମଣ ଜଣକ ମନ୍ଦିରଟି ଛିଡ଼ା କରାଇଥିଲେ । ଗାଁର ପରିବେଶ ବହୁତ ଭଲ ଓ ସୌନ୍ଦର୍ଯ୍ୟମୟ । କିନ୍ତୁ ରକ୍ଷଣାବେକ୍ଷଣର ଅଭାବରୁ ସେ ଆଜି ମଳିନ ପ୍ରାୟ ।         ଏଠି ଅନେକ ସମସ୍ୟା । ପ୍ରଥମତଃ ରାସ୍ତାଘାଟ ; ଅବଶ୍ଯ ଆଗ ଠାରୁ ଢ଼େର୍‌ ଗୁଣ ପରିବର୍ତ୍ତନ ଘଟିଛି । କିନ୍ତୁ ଏତେଟା ଉନ୍ନତି ହୋଇପାରିନି । କାମ ଆସେ ଗାଁକୁ ; ...

କାବ୍ଯଭୂଷଣ ଶିବ ପ୍ରସାଦ ବାହିନୀପତି              ସମ୍ପାଦକ - ଉଦୟ ଭାନୁ  ସଜାଗ ପ୍ରହରୀ ସସ୍ର ପ୍ରଣିପାତ ଘେନ ସୁରକ୍ଷା ରାଷ୍ଟ୍ରର ହିତେ କେବେ ବଳିଦାନ ; ସଭିଏଁ ତ ଆପଣାର ପ୍ରିୟ ପରିଜନ  ସଞ୍ଚରି ଭାବନା ମନେ କାର୍ଯ୍ୟରେ ନିପୁଣ । ଜାତି-ଧର୍ମ-ବର୍ଣ୍ଣ ନିର୍ବିଶେଷେ ଭାରତୀୟ ଜାଗି ମନେ ସଦ୍ଭାବନା କାର୍ଯ୍ୟ କରୁଥାଅ ; ଜାଳି ଆପଣା ଜୀବନ ଛାଡ଼ି ସ୍ବ ଆତ୍ମୀୟ ଜାଗ୍ରତ ସଦାସର୍ବଦା ଜନ ହିତେ ଲୟ ।  ଗରୀୟାନ ତୁମେ ଏଇ ଦେଶ - ଜାତି ପାଇଁ  ଗଉରବମୟ ତ ତୁମେ ସୈନିକ ଭାଇ ; ଗଗନଭେଦୀ ଗର୍ଜନେ ଶତ୍ରୁ ଥରୁଥାଇ ଗରିମା କି ବର୍ଣ୍ଣିବ ଶିବ ଭାଷା ପାଉନାହିଁ । ପ୍ରକାର ପ୍ରକାର ପ୍ରତିବନ୍ଧ ସହ୍ଯ କରି ପ୍ରତ୍ଯହ ଜାଗ୍ରତ ପ୍ରଭାତରୁ ବିଭାବରୀ ; ପ୍ରକୃତ ବନ୍ଧୁ ପ୍ରକୃତ ଆତ୍ମୀୟ ଆମରି ପ୍ରବେଶ କରି ନପାରେ ଶତ୍ରୁ ଡ଼ରିମରି । ହରଘଡ଼ି ହରିଷରେ ବିତାଉଛୁ ଦିନ ହର୍ତ୍ତା-କର୍ତ୍ତା ଆମ ପାଇଁ ଅଟନ୍ତି ଆପଣ ; ହରାଇଛ ସୌଖ୍ଯ କରି ଜନଙ୍କ କଲ୍ଯାଣ  ହରଦମ୍‌ ଅରଜୁଛ କୋଟି କୋଟି ପୁଣ୍ୟ । ରୀତିମତ କରୁଅଛ ସମାଜର ସେବା ; ରୀତିନୀତି ଦର୍ଶନେ କାବ୍ଯଭୂଷଣ କାବା । ପ୍ରତିଷ୍ଠାତା/ମୁଖ୍ଯ ସମ୍ପାଦକ - ସୁଦେଷ୍ଣା ପ୍ରମୋଦ ସାହିତ୍ଯ ସଂସଦ  ଭାଟପଡ଼ା , ନିରାକାରପୁର , କଣାସ , ପୁରୀ        ଯୋଗାଯୋଗ - ୮୯୧୭୪୮୦୫୩୬ 

         ଶିବ ପ୍ରସାଦ ବାହିନୀପତି       ବାହୁନି ବାହୁନି      ଭାରତୀ ଜନନୀ                 କାନ୍ଦୁଛି ଫଟାଇ କଣ୍ଠ        ନକର ଶୟନ      ବୀର ପୁତ୍ରଗଣ             ଆଳସ୍ୟ ବରଜି ଉଠ । ୧       ନିଦ୍ରା ପରିହରି      ତଳ୍ପ ତ୍ଯାଗ କରି             ବେଗେ ଧର ବୀରବେଶ       ଆତଙ୍କ କମାଣ      କଲାଣି ଗର୍ଜନ             ନହୁଅ ଆଉ ଅବଶ । ୨       ଅସ୍ତ୍ରର ଝଙ୍କାର      ତୋପର ଟଙ୍କାର                ବୋମା ତୁମୁଳ ଶବଦ       ଫଟାଉଛି କାନ      ଉଠ ପୁତ୍ରଗଣ            କାହିଁକି ଭାଙ୍ଗୁନି ନିଦ ? ୩        କରେ ଧର ଅସ୍ତ୍ର      ପିନ୍ଧି ଯୁଦ୍ଧ ବସ୍ତ୍ର                 ଦେଇ ସମର ହୁଙ୍କାର...

କାବ୍ଯଭୂଷଣ ଶିବ ପ୍ରସାଦ ବାହିନୀପତି                    ସମ୍ପାଦକ -ଉଦୟ ଭାନୁ  ଧାରା ଶିରାବଣ     ପ୍ରତି ସୋମବାର       ଶିବ ମନ୍ଦିରେ ବହୁତ ଭିଡ଼ ବାହୁଙ୍ଗି କାନ୍ଧେଇ     କାଉଡ଼ିଆ ଭାଇ      ନେଇ ଯାଉଅଛି ପାଣିଭାର ।୧ ଶିବଙ୍କ ମଥାରେ     ସେ ଜଳ ଢ଼ାଳିଲେ        ପୂର୍ଣ୍ଣ ହେବ କାଳେ ମାନସିକ  ପ୍ରଭୁ ମହାଦେବ     ହୋଇବେ ସନ୍ତୁଷ୍ଟ      ଦୂର କରିଦେବେ ଅବସାଦ ।୨ ଚାଲି ଚାଲି ପାଦେ     ଆସନ୍ତି ଭକତେ       କାହିଁ କେତେ ଦୂରଦୂରାନ୍ତରୁ ବୋଲ୍‌ବମ୍‌ ପୁଣି       ହରହର ବମ୍‌     ଉଚ୍ଚାରନ୍ତି ପଥ ଚାଲୁଚାଲୁ ।୩ ଆଗବେଳେ ଭକ୍ତି      ରସ ଝରୁଥିଲା    ଏବେ ସବୁ ଲୋକ ଦେଖାଣିଆ ଭଗୀନାନୀ ପୁଅ      ଦିଅଁ ଦେଖି ଗଲା    ଚାଲ୍‌ ଆମେ ବି ଯିବା ସନିଆ ।୪ ରାସ୍ତାସାରା ଖୁସି     ଗପ ପେଡ଼ି ଖୋଲି      ଚୋରୀ ନାରୀ ଦାରୀ ବଖାଣନ୍ତି ପଥରେ ଦେଖିଲେ      ସୁନ୍ଦରୀ ଯୁବତୀ       ଅଶ୍ଳୀଳ ଶବ...

କାବ୍ୟଭୂଷଣ ଶିବ ପ୍ରସାଦ ବାହିନୀପତି              ସମ୍ପାଦକ - ଉଦୟ ଭାନୁ       ରାଜନୀତିର ପଶାପାଲିରେ ପେଷି ହୋଇଯାଉଛି ଜୀବନ ; ଏଠି ବଞ୍ଚିବା ଦୁର୍ବିସହ । "ଜନତାଙ୍କ ସେବାରେ ନେତା" - ଏ ଆପ୍ତବାକ୍ଯଟି ମଳିନ ପ୍ରାୟ । ପୂର୍ବରୁ ଥିଲା ଏ ବାକ୍ଯର ଯଥାର୍ଥତା ; ଏବେ କିନ୍ତୁ "ନେତାଙ୍କ ସେବାରେ ଜନତା" । କିଛି କୁହନ୍ତି - "ସମୟ ବଦଳି ଯାଇଛି ।" ମୁଁ କିନ୍ତୁ କହିବି ସମୟ ବଦଳିନି , ଆମେ ବଦଳି ଯାଇଛୁ । ସମୟ ତା' ବାଟରେ ଠିକ୍‌ ଚାଲିଛି , ଆମେ ଆମର ଆଚରଣ ବଦଳେଇ ଦେଇଛୁ । କଥାରେ ଅଛି - "ବର୍ଷା ଯୁଆଡ଼େ ଛତା ସିଆଡ଼େ ।" ଜୀବନ ସାରା ମାଗି ଖାଇବାର କୁଅଭ୍ଯାସ ଆଜି ଆମକୁ ଏ ପରିସ୍ଥିତିରେ ଠିଆ କରିଛି । ଆମ ଅଧିକାର ଜାହିର୍‌କୁ ସ୍ତମ୍ଭୀଭୂତ କରି ଆମ କଣ୍ଠରୁଦ୍ଧ କରି ରଖିଛି , ଆମ ସ୍ବର ଉତ୍ତୋଳନ କରିବାର ଶକ୍ତି ପୁରା ଠପ୍‌ । ଯେମିତି ଜନତା , ନେତାଙ୍କ ହାତର କଣ୍ଢେଇ । ଯେମିତି ନଚେଇବେ ସେମିତି ନାଚିବେ ।       କଥାରେ ଅଛି - "ଓଲା ଦୁଇଥର ହସେ ।" ଆମେ ସବୁ ଓଲା , ତେଣୁ ଦୁଇଥର ହସୁଛୁ । ନବୁଝିକି ହସୁଛୁ ଆଉ ବୁଝିଲା ପରେ ବି ହସୁଛୁ । ବୁଝିକି ବି ସୁଧୁରୁନୁ । ନିର୍ବାଚନ ପୂର୍ବରୁ କେତେ କାକୁତିମିନତି ଆଉ କେତେ କେତେ ପ୍ରତିଶ୍ରୁତି । "ଜାତି - ଧର୍ମ - ବର୍ଣ୍ଣ ନିର୍ବିଶେଷରେ ଆମେ ସମସ୍ତେ ଭାରତୀୟ", "ଆମେ ସମସ୍ତେ ଭାଇ-ଭାଇ" - ...

କାବ୍ଯଭୂଷଣ ଶିବ ପ୍ରସାଦ ବାହିନୀପତି         ସମ୍ପାଦକ - ଉଦୟ ଭାନୁ            ଶକ୍ତି ସ୍ବରୂପିଣୀ ଜଗଜ୍ଜନନୀ ମାଆ ବିମଳା ହେଲେ ଶ୍ରୀକ୍ଷେତ୍ରର ଅଧିଶ୍ବରୀ ଯିଏକି ଶ୍ରୀମନ୍ଦିର ଭିତର ବେଢ଼ାରେ ଅବସ୍ଥାନ କରିଛନ୍ତି । କୁହାଯାଏ କି ଶ୍ରୀମନ୍ଦିର ନିର୍ମାଣ ପୂର୍ବରୁ ମାଆ ଏହି କ୍ଷେତ୍ରାଧିଶ୍ବରୀ ଅଟନ୍ତି । ଜଗନ୍ନାଥ ଯଦି ଭୈରବ ତେବେ ବିମଳା ହେଲେ ଭୈରବୀ ଯାହା ତନ୍ତ୍ର ଶାସ୍ତ୍ରରେ ଉଲ୍ଲେଖ ଅଛି । ବାସ୍ତବରେ ଏହା ଥିଲା ବିମଳା କ୍ଷେତ୍ର , କିନ୍ତୁ ଜଗନ୍ନାଥ ଏହି କ୍ଷେତ୍ରାବସ୍ଥାନ ପାଇଁ ତାଙ୍କ ଅନୁମତି ଲୋଡ଼ିଥିଲେ ବୋଲି କୁହାଯାଏ । ସେଲାଗି ଜଗନ୍ନାଥ ଚତୁର୍ଦ୍ଧାମୂର୍ତ୍ତିଙ୍କ ପ୍ରସାଦ ବିମଳାଙ୍କୁ ଅର୍ପଣ କରାଯାଇଥାଏ ; ଏହାପରେ ସେ ମହାପ୍ରସାଦ ପାଲଟେ । ମାଆକୁ ସମର୍ପଣ କରାଯିବାରୁ ମହାପ୍ରସାଦ ହେଲା ବୋଲି କେତେକ ମତବ୍ୟକ୍ତ କରନ୍ତି । ନିମ୍ନ ମନ୍ତ୍ରରେ ମହାପ୍ରଭୁଙ୍କ ପ୍ରସାଦ ମାଆଙ୍କୁ ସମର୍ପିତ ହୁଏ ।       "ହରି କୈବଲ୍ୟ ଭକ୍ଷିଣି ବିମଳା ବିମଳଂ ପ୍ରଦା    ଗୃହଣନ୍ତୁ ହରି କୈବଲ୍ୟ ସୃଷ୍ଟି ସ୍ଥିତାନ୍ଯକାରିଣୀ ।" ଐତିହାସିକ କେଦାରନାଥ ମହାପାତ୍ରଙ୍କ ଅନୁସାରେ ସପ୍ତମ ଶତାଦ୍ଦୀର ସୋମବଂଶ ରାଜତ୍ବ କାଳରେ ଯେବେ ଓଡ଼ିଶାରେ ଶକ୍ତି ଉପାସନା ପ୍ରସିଦ୍ଧିଲାଭ କରିଥିଲା , ବର୍ତ୍ତମାନର ବିମଳା ମନ୍ଦିରଟି ସେହି ସମୟର ।   ...

  ଓଡ଼ିଶା ଡନ୍‌ କାବ୍ଯଭୂଷଣ ଶିବ ପ୍ରସାଦ ବାହିନୀପତି         ସମ୍ପାଦକ - ଉଦୟ ଭାନୁ  ଆମେ ସବୁ ଖଣ୍ଡି ହିରୋ ଅଧା ଇଣ୍ଡିଆନ୍  ମିଛେ ଖାଲି କହୁଥାଉ ନିଜକୁ ତ ଡନ୍‌ । ମାତୃଭାଷା ପ୍ରତି ଜମା ନାହିଁ ତ ମମତା  ଖଣ୍ଡି ଇଂରାଜୀରେ ଆମେ କହୁଥାଉ କଥା । ଓଡ଼ିଶା ପାଣି ପବନେ ଗଢ଼ା ହୋଇ ଆମେ ଓଡ଼ିଶାର ପରମ୍ପରା ଆଉ ନାହିଁ ମନେ ।  ବିଦେଶୀ ପୋଷାକ ପ୍ରତି ହୋଇଲୁ ଆକୃଷ୍ଟ  ଓଡ଼ିଆ ବୋଲି ଆଉ ନାହିଁ ଆମ ଗର୍ବ ।  ଓଡ଼ିଶାର ଡନ୍‌ କହି ମିଛେ ଖାଲି ଆମେ ଦେଇ ଆମ ପରିଚୟ ଶୋଷୁ ସର୍ବଜନେ । କଥାରେ ନିପୁଣ ଆମେ ତ କାମରେ ଶୂନ୍‌ କିଏ ବା କହିବ ଆମକୁ ଓଡ଼ିଶା ଡନ୍‌  !! ପ୍ରତିଷ୍ଠାତା / ମୁଖ୍ୟ ସମ୍ପାଦକ - ସୁଦେଷ୍ଣା ପ୍ରମୋଦ ସାହିତ୍ଯ ସଂସଦ  ଭାଟପଡ଼ା , ନିରାକାରପୁର , କଣାସ , ପୁରୀ              ୮୯୧୭୪୮୦୫୩୬