ଫିକା ରାକ୍ଷୀ ପୂର୍ଣ୍ଣମାସୀ

 କାବ୍ଯଭୂଷଣ ଶିବ ପ୍ରସାଦ ବାହିନୀପତି 

      ସମ୍ପାଦକ - ଉଦୟ ଭାନୁ 

ଫିକା ଲାଗେ ଆଜି     ରାକ୍ଷୀ ପୂର୍ଣ୍ଣମାସୀ 

          ହାତଟା ପଡ଼ିଛି ଖାଲି

ସବୁ ସାଙ୍ଗସାଥୀ     ବାନ୍ଧିଛନ୍ତି ରାକ୍ଷୀ

       ଦେଖି ଝରେ ଅଶ୍ରୁବାରି ।

       କୋହ ଉଠେ ଢ଼େଉ ପରି

ଏମିତି ମୁଁ ଏକ      ଅଭାଗା ମଣିଷ

      କାହିଁକି ଯାଉନି ମରି ?୧।

ଧର୍ମ ରଖି ସାକ୍ଷୀ     ଭଉଣୀ କରିଛି

       ମାଗିଥିଲି ଗୋଟେ ଥର

ଭଉଣୀ ଲୋ ମୋତେ     ରାକ୍ଷୀଟିଏ ଦେବୁ

          ଦେଇଥିଲା ସେଇଥର ।

          ଦେଇନି ପାଉଣା ତା'ର 

ସେ ଲାଗି ଭଉଣୀ      ଏସନ ଦେଲାନି

      ଶୂନ୍ଯ କଲା ମୋର କର ।୨।

ସ୍ନେହ ଶରଧାରେ      ଭଲପାଇବାରେ

        କିଛି ବୋଧେ ଉଣା କଲି

ସେ ଲାଗି ଭଉଣୀ      ରାକ୍ଷୀଟେ ଦେଲାନି 

          ଭାଇ ହେଲା ହତଶିରୀ ।

           ବଞ୍ଚିଥାଉ ଦେଲା ମାରି

କିବା ଅଛି ଲାଭ     ରଖି ଏହି ଜୀବ

       ମରଣ ଆସୁନି ଫେରି ।୩

ପ୍ରତିଷ୍ଠାତା/ମୁଖ୍ୟ ସମ୍ପାଦକ - ସୁଦେଷ୍ଣା ପ୍ରମୋଦ ସାହିତ୍ଯ ସଂସଦ 

ଭାଟପଡ଼ା , ନିରାକାରପୁର , କଣାସ , ପୁରୀ 

ଯୋଗାଯୋଗ - ୮୯୧୭୪୮୦୫୩୬