sahityasarani

କାବ୍ଯଭୂଷଣ ଶିବ ପ୍ରସାଦ ବାହିନୀପତି  ଜାତିର ଗୌରବ       ଦେଶର ସୌରଭ             ସମ୍ବଲପୁରର ବାଘ ଘୋର ଗରଜନେ      ଓଡ୍ରର କାନନେ       ଥରନ୍ତି ଇଂରେଜ ଲୋକ ।୧ ତାଙ୍କ ଜୟନ୍ତୀରେ      ଆଜିର ଦିନରେ           ଅଶ୍ରୁପୂର୍ଣ୍ଣ ଶ୍ରଦ୍ଧାଞ୍ଜଳି  କରନ୍ତୁ ଜ୍ଞାପନ      ଓଡ଼ିଶା ସଜ୍ଜନ      ନିରବ ପ୍ରାର୍ଥନା କରି ।୨ ଅମର ଶହୀଦ      ସାଏ ସୁରେନ୍ଦର       କୋଟି ଜନତାଙ୍କ ସାଥୀ ଇଂରେଜର ବଳ      କରିଲେ ଦୁର୍ବଳ     ପଛଘୁଞ୍ଚା ଦେଲେ ରଥୀ ।୩ ମାତା ସମଲାଇ      ମାନସରେ ଧ୍ଯାୟି         ଲମ୍ଫ ଦେଲେ ରଣକ୍ଷେତ୍ରେ ଇଂରେଜ ଫଉଜ      ହେଲେ ଭୟଭୀତ           ସାଏ ରଡ଼ି ମହାମନ୍ତ୍ରେ ।୪ କଉଶଳ କରି      ପ୍ରାଣ ନେଲେ ହରି          ଇଂରେଜ ଶାସକ ଦଳ ହରାଇ ବସିଲୁ      ମହାପୁରୁଷଟେ        ବହିଗଲା ଅଶ୍ରୁଧାର ।୫ ଜାନୁୟାରୀ ମାସ    ...

        କାବ୍ଯଭୂଷଣ ଶିବ ପ୍ରସାଦ ବାହିନୀପତି                             ସମ୍ପାଦକ - ଉଦୟ ଭାନୁ  ଅତି ଅଲିଅଳରେ ବଢ଼ିଥିବା ଝିଅଟି ବାପଘର ଭିଟାମାଟି ଛାଡ଼ି ଶାଶୁଘରକୁ ଆସେ ।  ସପ୍ତ ଦୀପ ଅଷ୍ଟ କଳସ ବହ୍ନି ବ୍ରାହ୍ମଣଙ୍କୁ ସାକ୍ଷ୍ୟ ରଖି ଅଜଣା ଅଚିହ୍ନା ଲୋକର କରେ କର ଥାପି ବାହାରି ଆସେ ।  ସବୁ ସ୍ନେହ ମମତାକୁ ପଛରେ ପକାଇ ସାଙ୍ଗ ସାଥୀ ବଉଳ ମକର ସଙ୍ଗାତ  ଆତ୍ମୀୟ ସ୍ବଜନଙ୍କୁ ପରିତ୍ଯାଗ କରି ପର ହାତ ଧରି ପର ଘରକୁ ନିଜର କରେ । ଶାଶୁ ଶ୍ବଶୁର ସ୍ବାମୀ ଦେଢ଼ଶୁର ନଣନ୍ଦ ଦିଅର ସମସ୍ତେ ନିଜର  ପର ହୋଇଯାଆନ୍ତି ଏଠି ବାପା ମାଆ ଝିଅ ହୋଇଯାଏ ଦି'ଦିନର କୁଣିଆ ।  ପିତା ପରିବର୍ତ୍ତେ ଶ୍ବଶୁରଙ୍କୁ ମାତା ବଦଳରେ ଶାଶୁ ପାଏ ସେ ଦୁହିତା ତେଣୁ ଦୁଇ କୁଳର ହିତ ସାଧନ କରେ । କନ୍ଯାବସ୍ଥାରେ ପିତ୍ରାଳୟେ ସ୍ବୟମ୍ବରାନ୍ତେ ପତିଗୃହେ ଶାଶୁ ଶ୍ବଶୁରଙ୍କ ସେବା କରେ  ପତି ସେବା କରି ପତିବ୍ରତା ହୁଏ ।  ଶାଶୁ ଶ୍ବଶୁର ଓ ପତି ପାଇଁ ସଦା ତତ୍ପର ରହିଥାଏ ସେ ପତିକୁ ଦେବତା ମନେ କରି ନିଜେ ପାଲଟି ଯାଏ ପୂଜାରିଣୀ । ସ୍ନେହ ପ୍ରେମ ଓ ଭଲପାଇବାରେ ବାନ୍ଧି ରଖେ ସମସ୍ତଙ୍କୁ ତିଳ ତିଳ କରି ଜାଳିଦିଏ ନିଜକୁ କେବଳ ତାଙ୍କରି ସେବାରେ । ପରଘରକୁ ନିଜର ମଣି ସୁନ୍ଦର ଓ ସାବଲୀଳ କରି ଗଢ଼...

କାବ୍ଯଭୂଷଣ ଶିବ ପ୍ରସାଦ ବାହିନୀପତି          ସମ୍ପାଦକ - ଉଦୟ ଭାନୁ  ଏଯାବତ ମୋର     ଚାଲିଛି ସମର          ଯନ୍ତ୍ରଣାର ଜତୁଶାଳେ  ଏକ ପରେ ଏକ     ସୁନାମୀ ପ୍ରତ୍ଯେକ        ଆକାଂକ୍ଷାକୁ ମୋର ଜାଳେ । ଧରିଲି ଯେ' ଡାଳ     ଛିଡ଼ାଇଲା କାଳ           ଛଡ଼ାଇ ନେଲା ସର୍ବସ୍ବ  ଆପଣା ଯେ' ଥିଲେ     ପର କରିଦେଲେ          ସମାଜେ ସାଜିଲି ନିଃସ୍ବ ।     ଲୁହର ସାଗରେ     ସନ୍ତରଣ କରେ            କୋହର ଅନଳେ ଜଳେ ଏମିତି କେ' ନାହିଁ     ନବ ଯେ' ଗୋଟାଇ            ଝୁଣ୍ଟି ପଡ଼ିଗଲେ ତଳେ ।     ସମ୍ପର୍କର ମୂଲ     ସ୍ବାର୍ଥରେ ତଉଲ          ନିଃସ୍ବାର୍ଥୀ ଜଣେ ଦେଖିନି  କିଏ ଅଛି କୁହ     ପୋଛିଦେବ ଲୁହ            ଅତି ଆପଣାର ମଣି । ସୁଖ ସମୟରେ     ସରବେ ସାଥିରେ       ଦୁଃଖ ବ...

କାବ୍ଯଭୂଷଣ ଶିବ ପ୍ରସାଦ ବାହିନୀପତି ସଲିଳକଣା ଏ     ମାନବ ଜୀବନ        କ୍ଷଣକରେ ଯିବ ନାଶ ମୋର ମୋର କହି     ବାଢୁଛୁ ଗରବ       ଯିବୁ ଆରେ ଶୂନ୍ଯ ହସ୍ତ ।୧ ଲୋଭ ମୋହ ମାୟା     ବିସ୍ତାରିଛି କାୟା        ଲୋଭ କରୁ କାହା ପାଇଁ ? ଯାହାକୁ ବୋଲୁଛୁ    ଆପଣାର ବୋଲି         ନିଜର ନୁହଁନ୍ତି କେହି ।୨ ବିଶ୍ବ ଦରବାର     ରଙ୍ଗମଞ୍ଚ ତୋର          ପ୍ରକୃତି ଅଟେ ଦର୍ଶକ ନିର୍ଦ୍ଦେଶନା ଦିଏ     ନିର୍ଦ୍ଦେଶକ ସାଜି         ଦଇବ ଧରି ଚାବୁକ ।୩ ଲେଖନୀ ମୁନରେ     ଲେଖେ ଚିତ୍ରଗୁପ୍ତ             ଅଭିନୟ ଫଳାଫଳ ଅକ୍ଷଦର୍ଶକ ତ     ସାଜିଅଛି ଯମ     କରିବ ତୋର ବିଚାର ।୪ ଭଲ ଅଭିନୟ     କଲେ ପ୍ରଦର୍ଶନ         ପାଇବୁ ତୁ ପୁରସ୍କାର ଅଭିନୟ ଯଦି     କରି ନ ପାରିବୁ      ତିରସ୍କାର ହେବ ସାର ।୫ ଜାତ ବେଳେ ନର     ଉଲଗ୍ନ ଶରୀର           ଅନ୍ତ ପ...

କାବ୍ଯଭୂଷଣ ଶିବ ପ୍ରସାଦ ବାହିନୀପତି ପ୍ରିୟା ତୁମେ ଆସିଥିଲ ଏଇ ମକରରେ ଚାଲିଗଲ ଛାଡ଼ି ମତେ ଦୂରେ ବହୁଦୂରେ ।  ମକରଟା ସ୍ମୃତି ମୋର ବିରହ ଦିବସ ଥିଲା ଯାହା ଦିନେ ମୋର ସୁଖ ସଉହାର୍ଦ୍ଦ୍ଯ । ମନେପଡ଼େ ମୋର ଆଜି ସେଦିନ ମକର ତୁମେ ଯେବେ ଥିଲ ମୋର ଅତିବ ନିଜର । ହାତ ଧରି ଚାଲିବାକୁ ଦେଇଥିଲ କଥା ଭଲପାଇ ଭୁଲିଗଲ ଦେଇଗଲ ବ୍ଯଥା । ଆଉ ନାହିଁ ମୋର ଧୈର୍ଯ୍ୟ ବ୍ଯଥା ସହିବାକୁ  ଡାକିଲାଣି କାଳ ମୋତେ ତା' ପାଶେ ଯିବାକୁ । ଯେଉଁଠି ବି ଥାଅ ତୁମେ ଭଲରେ ତ ଥାଅ ଅନୁରୋଧ ରଖ ମୋର ଢ଼ାଳିବନି ଲୁହ । ମକର ସଂକ୍ରାନ୍ତିର ଏଇ ଅଭିନନ୍ଦନ  ଶେଷ ଥର ଜଣାଉଛି ସାଦରେ ଘେନ । ପ୍ରତିଷ୍ଠାତା/ମୁଖ୍ଯ ସମ୍ପାଦକ - ସୁଦେଷ୍ଣା ପ୍ରମୋଦ ସାହିତ୍ଯ ସଂସଦ ଭାଟପଡ଼ା , ନିରାକାରପୁର , କଣାସ , ପୁରୀ  ୮୨୪୯୭୭୨୩୬୧

  ସ୍ବାମୀ ବିବେକାନନ୍ଦ କାବ୍ୟଭୂଷଣ ଶିବ ପ୍ରସାଦ ବାହିନୀପତି       ଓଡ଼ିଆଙ୍କ ଗର୍ବ      ହେ ବିବେକାନନ୍ଦ          ଯୁବ ପ୍ରତିଭାଙ୍କ ଉତ୍ସ ଯୁବଗୋଷ୍ଠୀ ଆଜି      ଖୋଜୁଛି ତୁମକୁ       ଫେରି ଆସ ଆମ୍ଭ ପାଶ ।୧ ସତ୍ଯ ନ୍ଯାୟ ଧର୍ମ      ଥିଲା ବିରାଜିତ       ଯେ କାଳେ ଥିଲେ ଆପଣ ଆଧ୍ଯାତ୍ମିକ ମାର୍ଗେ      ଗମୁଥିଲେ ସର୍ବେ        ଭଜୁଥିଲେ ଭଗବାନ ।୨ ବାଳୁତ କାଳରୁ      ବିଚକ୍ଷଣ ବୁଦ୍ଧି        ତୁମର ହେଲା ଜାଗ୍ରତ ଛୋଟ ବୟସରୁ      ଆଧ୍ଯାତ୍ମିକ ମାର୍ଗେ        ହୋଇଥିଲେ ପ୍ରଭାବିତ ।୩ ଗୁରୁ ରାମକୃଷ୍ଣ      ପରମହଂସଙ୍କ          ଆଦର୍ଶକୁ ଆପଣେଇ  ସଂସାରେ ବିଦିତ      ହୋଇଲେ ଆପଣ        ବିବେକାନନ୍ଦ ବୋଲାଇ ।୪ ବିଶ୍ବ ନିବାସୀଙ୍କୁ      ନୂତନ ଦିଗନ୍ତ        ଦେଖାଇ ଥିଲେ ଆପଣ ନରେନ୍ଦ୍ର ନାଥରୁ      ବିବେକ ଆନନ୍ଦ     ବୋଲାଇ ହୋଇଲେ ଧନ୍ଯ ।୫ ସ...

କାବ୍ୟଭୂଷଣ ଶିବ ପ୍ରସାଦ ବାହିନୀପତି                    ସମ୍ପାଦକ - ଉଦୟ ଭାନୁ         ଘନ ଅନ୍ଧକାର ରାତି , ଚାରିଆଡ଼େ ଶୂନ୍‌ଶାନ୍‌ । ନିଦ୍ରାବତୀଙ୍କ କୋଳରେ ମୁଣ୍ଡ ରଖି ସମସ୍ତେ ଅଚେତନ ପ୍ରାୟ । କାଉ କୋଇଲିର ରାବ ବି ଶୁଭୁନି । କେବଳ ଝିଙ୍କାରିର ଝିଂ ଝିଂ ଶବ୍ଦ ସାଙ୍ଗକୁ ରାତ୍ରିଚର ପକ୍ଷୀଙ୍କର ମୃଦୁମନ୍ଦ ସ୍ବର ଅନ୍ଧକାରମୟ ସବୁଜ ବନାନୀର ପରିବେଶକୁ ଚଳଚଞ୍ଚଳ କରି ରଖିଛି ଏବଂ ବନ୍ଯ ପଶୁ ମାନଙ୍କର ଗର୍ଜନ ମଝିରେ ମଝିରେ ସୃଷ୍ଟି କରୁଛି କୋକୁଆ ଭୟ । ମୃଦୁ ମଳୟ ସ୍ପର୍ଶରେ ଲହକିଆ ଡେଙ୍ଗା ଗଛ ଗୁଡ଼ାକ ପରସ୍ପର ମଧ୍ଯରେ ଲଢ଼ାଲଢ଼ି ହେଉଥିବାରୁ ଗୁରୁଗମ୍ଭିର ଶବ୍ଦ ଜଙ୍ଗଲକୁ ଜୀବନ୍ତ କରି ରଖିଛି । ସେଇ ଜଙ୍ଗଲ ଭିତରେ ଥିବା ଏକ ନିବାଡ଼ିଆ ବରଗଛ ମୂଳରେ ଶାନ୍ତ ମୁଦ୍ରାରେ ବସିଛି ଛୋଟ ଝିଅଟିଏ , ଆଖି ଦୁଇ ଛଳଛଳ । ଦେଖିଲେ ଲାଗୁଛି ନିର୍ବାସନ ଦଣ୍ଡ ଭୋଗୁଥିବା ଜଣେ ବନ୍ଦୀ ଯେମିତି । କେହି କୁଆଡ଼େ ନାହିଁ , କିନ୍ତୁ ଇଏ... କ'ଣ କରୁଛି ଏଠି ? ଜଙ୍ଗଲୀ ଜୀବଜନ୍ତୁଙ୍କ ଭୟ ମନରୁ ଏଡ଼େଇ ଦେଇ ଏ ଜଙ୍ଗଲ ଭିତରେ ବରଗଛ ମୂଳରେ କ'ଣ ପାଇଁ ବସିଛି ? କେହି ଆଉ ପ୍ରତାରଣା କରି ଏ ଜଙ୍ଗଲ ଭିତରେ ଛାଡ଼ି ଦେଇ ଯାଇନାହାନ୍ତି ତ ତାକୁ !! ଦେଖିଲେ ଅନୁମାନ କରିହେଉଛି ପନ୍ଦର କି ଷୋହଳ ବର୍ଷ ହେବ ଝିଅଟିକୁ , ଡର ଭୟ କିଛି ନାହିଁ ତାକୁ ! ନିରବ ନିଶ୍ଚଳରେ ମୁଣ୍...

            କାବ୍ଯଭୂଷଣ ଶିବପ୍ରସାଦ ବାହିନୀପତି                        ସମ୍ପାଦକ - ଉଦୟ ଭାନୁ  ସଂଘର୍ଷ ; ପରସ୍ପର ମଧ୍ଯେ ଘର୍ଷଣ  ସଂଘବଦ୍ଧ ଆକ୍ରମଣ  ଶୂନ୍ଯ ହସ୍ତେ ଯୁଦ୍ଧ । ଯାହା ମୋ ଜୀବନରେ ଚାଲିଛି  ପ୍ରତି ମୁହୂର୍ତ୍ତରେ ଅହରହ  କରିଚାଲିଛି ସଂଘର୍ଷ  ଜନ୍ମ ସମୟରୁ ଏଯାବତ୍ । ନା ପାଇଛି ମାଆର ମମତା  ନା ମିଳିଛି ପିତୃ ପ୍ରେମ ମୋତେ ; ଜନ୍ମରୁ ଯନ୍ତ୍ରଣା ଜର୍ଜରିତ  ଜତୁ ଗୃହେ ସଢ଼ୁଛି ଜୀବନ । ଜନ୍ମରୁ ମୁଁ ଯୌବନ ପର୍ଯ୍ୟନ୍ତ ଯେଉଁ ସବୁ ପରିସ୍ଥିତିକୁ ସମ୍ମୁଖୀନ ହୋଇଛି ସେସବୁ କେତେ ଦୁଃସହ୍ଯ ମୁଁ ହିଁ ଜାଣେ । ମୁଁ ଜମା ନିଃସଙ୍ଗ ନୁହେଁ, ମୋ ସହିତ ଅଛନ୍ତି ଲୁହ କୋହ ଯନ୍ତ୍ରଣା  ଅଙ୍ଗାଙ୍ଗୀ ଭାବେ ଜଡିତ ଏମାନେ ଆଜି ଯାଏଁ ସ୍ଥଗିତ ହୃଦ କନ୍ଦରେ । ଏହି ତିନି ଜଣଙ୍କ ନିମିତ୍ତ  ପ୍ରତି ମୁହୂର୍ତ୍ତେ ପ୍ରତି କ୍ଷଣେ ଚାଲିଛି ଖୁସି ସହିତ ମୋର ସଂଘର୍ଷ  ; ବତିଶି ବର୍ଷ ବିତି ଗଲାଣି । ଜିଣିବା ପାଇଁ ସଂଘର୍ଷ କରି ଅକାରଣେ ପରାଜୟତା ସ୍ବୀକାର  ମୁଁ ତ କେବଳ ହରେଇବା ଶିଖିଛି ପାଇନି କି ପ୍ରାପ୍ତି ଆଶା ବି ରଖିନି । ଜଣଙ୍କ ପରେ ଜଣେ ଆତ୍ମୀୟ  କେଉଁ ଅଭିମାନରେ ଜାଣିନି  ନିଃସଙ୍ଗ ସଜେଇ ଚାଲିଗଲେ ମତେ  ମାତ୍ର ଗୋଟିଏ ବର୍ଷ...

      କାବ୍ଯଭୂଷଣ ଶିବ ପ୍ରସାଦ ବାହିନୀପତି  ଆଉ ଝରିବନି କାହା ଆଖିରୁ ଅହରହ ଅମାପ ଅଶ୍ରୁ  ଯାହା ଝରିବାର ଥିଲା ଆଜି  ପୋଛିପାଛି ହୋଇ ନିଗିଡି ଗଲା। କିନ୍ତୁ  ସ୍ମୃତି କେବେ ଲିଭିବନି ତୁମ ପ୍ରଶଂସକଙ୍କ ସ୍ମୃତି ପଟଳୁ ସଦା ସନ୍ତୁଳିତ ହେଉଥିବ ମନ ଝୁରୁଥିବେ ପ୍ରତ୍ଯେକଟି ପ୍ରାଣ । ଓଡିଶାର କୋଣେ ଅନୁକୋଣେ  ସକାଳରୁ ସଞ୍ଜ ଚର୍ଚ୍ଚାରେ ଅନିତା ସବୁରି ତୁଣ୍ଡେ ଗୋଟିଏ କଥା  ଆହା !! ଭଗବାନ କି ନିଷ୍ଠୁର !! ମନେ ପକାଉଥିବେ ସକଳେ ରୂପେଲି ପରଦାର ସୁନେଲି କଥା ଦରାଣ୍ଡି ହେଉଥିବେ ସମସ୍ତେ  ସ୍ନେହମୟୀ ମମତାମୟୀ ମାଆକୁ । କପୋଳକଳ୍ପିତ କାହାଣୀର  ମାଆ ଭୂମିକାର ଅଭିନେତ୍ରୀ ଅନିତାଙ୍କ ଅଭିନୟ ଯାଦୁ ଲାଗୁଥିଲା ସତେ ଯେମିତି ବାସ୍ତବ । ଦୂରଦର୍ଶନର ପରଦାରୁ ଅନୁଭବ କରି ପାରୁଥିଲେ  ତୁମ ସ୍ନେହ ପ୍ରେମ ଓ ଭଲପାଇବା  ସମସ୍ତ ସୁଧି ଦର୍ଶକ । ଆଉ କିଏ ଦେବ ସେ ମମତା ? ଚିହ୍ନା ମୁହଁ ସିନା ହୃତ ହେଲେ ହଜି ପାରିବନି ସ୍ମୃତି  ମନେ ପଡୁଥିବ ପ୍ରତି କ୍ଷଣ । ନିତ୍ଯ ସ୍ମରୁଥିବେ ତୁମକୁ ଜନତା  ଚଳଚ୍ଚିତ୍ର ଜଗତର ଇତିହାସେ ତୁମ ପାଇଁ ଯୋଡା ହେଲା ଜାଣ ଆଉ ଗୋଟିଏ ଚିର ଅମର ପୃଷ୍ଠା ।              ସମ୍ପାଦକ - ଉଦୟ ଭାନୁ  ଭାଟପଡା,ନିରାକାରପୁର,କଣାସ             ...