ଆଉ କେତେଦିନ.....?

କାବ୍ଯଭୂଷଣ ଶିବ ପ୍ରସାଦ ବାହିନୀପତି 

        ସମ୍ପାଦକ - ଉଦୟ ଭାନୁ 

ଏଯାବତ ମୋର     ଚାଲିଛି ସମର

         ଯନ୍ତ୍ରଣାର ଜତୁଶାଳେ 

ଏକ ପରେ ଏକ     ସୁନାମୀ ପ୍ରତ୍ଯେକ 

      ଆକାଂକ୍ଷାକୁ ମୋର ଜାଳେ ।

ଧରିଲି ଯେ' ଡାଳ     ଛିଡ଼ାଇଲା କାଳ

          ଛଡ଼ାଇ ନେଲା ସର୍ବସ୍ବ 

ଆପଣା ଯେ' ଥିଲେ     ପର କରିଦେଲେ

         ସମାଜେ ସାଜିଲି ନିଃସ୍ବ ।

    ଲୁହର ସାଗରେ     ସନ୍ତରଣ କରେ

           କୋହର ଅନଳେ ଜଳେ

ଏମିତି କେ' ନାହିଁ     ନବ ଯେ' ଗୋଟାଇ

           ଝୁଣ୍ଟି ପଡ଼ିଗଲେ ତଳେ ।

    ସମ୍ପର୍କର ମୂଲ     ସ୍ବାର୍ଥରେ ତଉଲ

         ନିଃସ୍ବାର୍ଥୀ ଜଣେ ଦେଖିନି

 କିଏ ଅଛି କୁହ     ପୋଛିଦେବ ଲୁହ 

          ଅତି ଆପଣାର ମଣି ।

ସୁଖ ସମୟରେ     ସରବେ ସାଥିରେ 

     ଦୁଃଖ ବେଳେ କେହି ନାହିଁ 

ମରଧାମେ ନର     ବିଚିତ୍ର ପ୍ରକାର 

      ସରଜିଛି ଯାହା ବିହି ।

ସହି ପାରୁନାହିଁ     କହି ପାରୁନାହିଁ 

     ଯାତନା ମୋ' ଅସୁମାରୀ 

ଆଉ କେତେଦିନ     ଧରିବି ଜୀବନ

      ନିତ୍ଯ ଅଶ୍ରୁ ସ୍ନାନ କରି ।

ପ୍ରତିଷ୍ଠାତା/ମୁଖ୍ଯ ସମ୍ପାଦକ - ସୁଦେଷ୍ଣା ପ୍ରମୋଦ ସାହିତ୍ଯ ସଂସଦ

ଭାଟପଡ଼ା, ନିରାକାରପୁର , କଣାସ , ପୁରୀ

ଯୋଗାଯୋଗ - ୮୨୪୯୭୭୨୩୬୧