ମଣିଷ ଭାଗ୍ଯର ଦାସ
କାବ୍ଯଭୂଷଣ ଶିବ ପ୍ରସାଦ ବାହିନୀପତି ସମ୍ପାଦକ - ସୁଦେଷ୍ଣା ଖବରକାଗଜ ସବୁଦିନ ପରି ସେଦିନ ବି ସେ ପିଲାଟିକୁ ଅଞ୍ଚଳ ବାସିନ୍ଦା ଓ ପଥଯାତ୍ରୀ ସମସ୍ତ ଦେଖିଥିଲେ ପ୍ଲାଷ୍ଟିକ୍ ବଟଲ୍ ଗୋଟେଇବାର । ଜୀଣ୍ଣଶୀଣ୍ଣ ଶରୀର ; ପଞ୍ଜରା ହାଡ଼ ଗଣି ହୋଇଯାଉଛି । ପେଟଟା ପଶି ଯାଇଛି ଭିତରକୁ ; ମିଶି ଯାଇଛି ପିଠି ସାଥିରେ । ଟାକୁଆ ଗାଲକୁ କହରା କେଶ ; କଳା ମଚମଚ ଶରୀର । ସତେ ଅବା କୋଇଲା ଖଣିରୁ ଶ୍ରମିକ ଜଣେ ବାହାରି ଆସିଛି । ଆଖି ଯୋଡ଼ିକ ପେଜୁଆ ଓ କୋରଡ଼; ସତେ ଅବା ଭରଣେ ଲେଖାଁ ଚ଼ାଉଳ ଧରିବ । ଚ଼ିରା ଫଟା ଡ୍ରେସ୍ , ସେ ପୁଣି କୋଉ ଯୁଗରୁ ସଫା ହୋଇନି । ଏଭଳି ଦୟନୀୟ ଅବସ୍ଥା ଦେଖି ଆବାକାବା ହୋଇଯା'ନ୍ତି ଦେଖଣାହାରୀ । ସବୁଦିନ ସକାଳ ଆଠଟା ବାଜିଲେ ସହରର ଗଳିକନ୍ଦିକୁ ବାହାରି ପଡ଼େ ଜରିପାଲ ଅଖାଟି ଧରି ପିଲାଟି । ସହରର ପ୍ରତି କୋଣାନୁକୋଣ ବୁଲି ବୁଲି ପ୍ଲାଷ୍ଟିକ୍ ଓ ଜରି ବଟଲ୍ ଗୋଟାଇ ମହାଜନୀକୁ ନେଇ ଦିଏ ଏବଂ ତା'ଠାରୁ ସେସବୁର ପ୍ରତିବଦଳରେ କିଛି ଅର୍ଥ ଆଣି ଆସେ । ସେହି ଅର୍ଥରେ ତା'ର ଘର ଚ଼ଳେ । ଦିନଯାକ ବୁଲି ବୁଲି ଖରା-ବର୍ଷା-ଶୀତ-କାକରର କୋପ ସହି ସହି ମହାଜନୀ ପାଖରେ ଯାଇ ସେସବୁ ପହଞ୍ଚାଇବା ପରେ ମାତ୍ର ଶହେ କି ଦେଢ଼ଶହ ଟଙ୍କା ମିଳେ । ସେହି ଅର୍ଥରେ ତା'ର ଘର ଚ଼ଳ...