ପୁଷ୍ପାଞ୍ଜଳୀ

କାବ୍ଯଭୂଷଣ ଶିବ ପ୍ରସାଦ ବାହିନୀପତି 

         ସମ୍ପାଦକ - ଉଦୟ ଭାନୁ 

ଜୟ ତୁ ଭବାନୀ       ମାଆ ଭାଲୁକୁଣୀ

         ଫଳଦା ଖୁଦରଙ୍କୁଣୀ

ମନ୍ଦାର ମାଳିନୀ       ସିନ୍ଦୂର ଶୋଭିନୀ

       ଅଶେଷ ବରଦାୟିନୀ ।

       ମହାମାୟୀ ସ୍ବରୂପିଣୀ

ତ୍ରିପୁର ମୋହିନୀ       ସୌନକ ସେବିନୀ

      ପାଦପଦ୍ମେ ମୋ' ଦୟିନୀ ।୧

ଦୟିନୀ ମୋ' ଘେନି       ବିନ୍ଧ୍ୟ ନିବାସିନୀ

         କୋଳେ ନିଅ ମତେ ଟାଣି

ତୋ' ପଣତକାନି       ଘୋଡ଼ାଇ ଜନନୀ 

        ସୁତ ବୋଲି ମତେ ମଣି ।

          ଏତିକି କରେ ମାଗୁଣି

ଚରଣେ ଶରଣି       ମୂର୍ଖ ହୁଏ ଜ୍ଞାନୀ

      ଅଗାଧ ପାଣ୍ଡିତ୍ୟ ଘେନି ।୨

ଘେନି ମୋ' ଦୟିନୀ       ନିଅ ଲୋ ଆପଣି

            ସର୍ବମଙ୍ଗଳ କାରିଣୀ 

ଦୟା ବହି ପୁଣି       ଈଶ୍ୱର ଘରଣୀ

       ଦୂର ମତେ କରିବୁନି ।

       ଏଇ ପୁଷ୍ପାଞ୍ଜଳୀ ପୁଣି

ସାଦରରେ ଘେନି       ମା' ସଂହବାହିନୀ

      ପ୍ରୀତ ହୁଅ ଲୋ ଜନନୀ ।୩

ଭାଟପଡ଼ା , ନିରାକାରପୁର , କଣାସ , ପୁରୀ 

ଯୋଗାଯୋଗ - ୮୯୧୭୪୮୦୫୩୬