ଗୁରୁ ପ୍ରାର୍ଥନା

କାବ୍ଯଭୂଷଣ ଶିବ ପ୍ରସାଦ ବାହିନୀପତି 

       ସମ୍ପାଦକ - ଉଦୟ ଭାନୁ 

ଗୁରୁ ତୁମେ ବ୍ରହ୍ମା        ଗୁରୁ ତୁମେ ବିଷ୍ଣୁ 

          ଗୁରୁ ତୁମେ ମହେଶ୍ୱର 

ତବ ପଦେ ମୋର        ଥାଉ ନିରନ୍ତର 

          ଭକ୍ତିରେ ଉତ୍ତମାଙ୍ଗର ।

      ଗୁରୁଦେବ ତୁମେ ଜ୍ଞାନମନ୍ଦର

    ଅଜ୍ଞାନ ସଂସାରୁ ମତେ ଉଦ୍ଧର ।୧

ଅଜ୍ଞାନ ଶର୍ବରୀ        ଯାଉ ଅପସରି

          ଆସୁ ଜ୍ଞାନର ସକାଳ

ଗୁରୁ ପଦ ସେବା        ହେଉ ମୋର କାମ୍ୟ 

          ଥାଉ କରୁଣା ଅପାର ।

   ତୁମେ ମାତା ତୁମେ ପିତା ମୋହର

    ଭକ୍ତିଚିତ୍ତେ ପ୍ରଣମୁଛି ପୟର ।୨

ଦିଅ ଶୁଭାଶିଷ         ହେ ଅକ୍ଷଦର୍ଶକ

       ମୋର ପୂଜ୍ଯ ଗୁରୁଦେବ

ଅକ୍ଷସୂତ୍ର କରି        ଗୁରୁଙ୍କ ନାମକୁ

         ସାଜିବି ଅକ୍ଷରମୁଖ ।

    ତବ ପଦେ ମୋର ଚିର ନମନ

   ଦିବ୍ଯଜ୍ଞାନ ପ୍ରଦାନନ୍ତୁ ଆପଣ ।୨

ଗୁରୁ ଦିବସରେ       ଗୁରୁଙ୍କ ପୟରେ

        ଏତିକି ମୋ' ନିବେଦନ

ପ୍ରଣାମ ଘେନନ୍ତୁ        ହେ ପରମବ୍ରହ୍ମ 

         ଗୁରୁଦେବ ମହାତ୍ମାନ ।

  ତବ ଆଶିର୍ବାଦ ହେଉ ମୋ' କାମ୍ୟ 

  ତବ ଜ୍ଞାନ ପ୍ରାପ୍ତେ ହୋଇବି ଧନ୍ଯ ।୪

ଭାଟପଡ଼ା , ନିରାକାରପୁର , କଣାସ , ପୁରୀ 

               ୮୯୧୭୪୮୦୫୩୬