ଦର୍ଶନର ସୌଭାଗ୍ୟ

    କାବ୍ଯଭୂଷଣ ଶିବ ପ୍ରସାଦ ବାହିନୀପତି 

             ସମ୍ପାଦକ - ଉଦୟ ଭାନୁ

ସ୍ମରଣୀୟ ଦିବସ ଥିଲା ମୋ ପାଇଁ 

ଦି'ହଜାର ସତର ସତେଇଶି ତାରୀଖ

ଭାଦ୍ରବ ମାସର ଶେଷ ରବିବାର

ଭାଲୁକୁଣୀ ଓଷା ଶେଷ ପାଳି ।

ଯାଇଥିଲି ଏକ ବିଶେଷ କାମରେ

ସୁଦୂର ଯାଜପୁର ସଦରେ,

ପ୍ରତ୍ଯାବର୍ତ୍ତନ କରିବାର ଥିଲା ସେଦିନ

କିନ୍ତୁ ଆସିପାରି ନଥିଲି ମୁଁ ।

ଶକ୍ତ ଡୋରୀଟିଏ ବାନ୍ଧି ହୋଇ ରହିଯାଇଥିଲା 

ମୋର ଦୁଇଟି ଯାକ ପାଦରେ

କେହି ଜଣେ ସେ ଡୋରୀକୁ ଟାଣୁଥିଲା

ତା' ନିଜ ଆଡକୁ ଖୁବ୍ ଜୋର୍‌ରେ ।

କିଏ ସେହି ହୋଇପାରେ !

ଭଉଣୀଙ୍କ ବାରଣ ମାନି ଅଟକି ଗଲି ;

ଆଉ ଗୋଟେ ଦିନ ତାଙ୍କ ଘରେ

ରହିବାର ସୁଯୋଗ ମିଳିଲା ।

ଧୀରେ ଧୀରେ ପ୍ରବେଶିଲା ଅପରାହ୍ନ

ଦୁଇ ଜଣ ଦୁଇଗୋଟି ସାଇକେଲ୍‌ ଧରି

ବାହାରି ପଡିଲୁ ପରିଭ୍ରମଣରେ

ଅନେକ ଜାଗା ବୁଲି ଦେଖିଲୁ ।

ଘନେଇ ଆସିଲା ସନ୍ଧ୍ଯା

ଉପନୀତ ହେଲୁ ବିରଜା ମନ୍ଦିରେ,,

ସନ୍ଧ୍ଯାରତୀ ପାଇଁ ଚାଲିଛି ପ୍ରସ୍ତୁତି

ପ୍ରାପ୍ତ କଲି ଆରତୀ ଦର୍ଶନର ସୌଭାଗ୍ୟ ।

ପୂର୍ଣ୍ଣ ହେଲା ମୋର ଆଶା ଓ ଆକାଂକ୍ଷା 

ବହୁଦିନୁ ଥିଲି ଦର୍ଶନାଭିଳାଷୀ

ପୂର୍ଣ୍ଣତାରେ ହେଲା ପରିଣତ

ଅନୁଭବ କଲି ଅନେକ ଆନନ୍ଦ ।

ବ୍ରାହ୍ମଣଙ୍କ ବେଦ ମନ୍ତ୍ର ପାଠେ

ପ୍ରକମ୍ପିତ ହୋଇ ଉଠୁଥିଲା

ସାୟଂକାଳେ ବିରଜା ମନ୍ଦିର,

ସରିଗଲା ଆରତୀର ପର୍ବ ।

ଭକ୍ତଗଣଙ୍କ ସହିତ ମିଶି 

ଆରତୀ ଘେନି ପ୍ରଣମିଲି ସାଦରେ ;

ମାନସିକଟେ କରି ଆସିଛି 

ପୂର୍ଣ୍ଣ ହେଲେ ଯିବି ପୁନର୍ବାର ।

ମାଆଙ୍କର ଅପାର କରୁଣା ବାରି

ସତରେ ମୋ ଶିରେ ବର୍ଷିବ ବୋଲି

ନଥିଲା ମୋର ଆଶା ବିଶ୍ବାସ

ସ୍ବପ୍ନରେ ସୁଦ୍ଧା ଭାବି ନଥିଲି କେବେ ।

ମାଆଙ୍କୁ ଏତିକି କେବଳ ପ୍ରାର୍ଥନା

ଯଦି ଲଗାଇଛ ମମତାର ଡୋରୀ

କଦାପି ସେହି ଡୋରୀ ନଯାଉ ଛିଡି

ସୁତ ରୂପେ ବରିନିଅ ମାତେ

ଏତିକି ଗୁହାରୀ ବେନି କର ଯୋଡି ।

ଭାଟପଡା,ନିରାକାରପୁର,କଣାସ (ପୁରୀ)

ଫୋ-୮୯୧୭୪୮୦୫୩୬