ଆତ୍ମତୃପ୍ତି

  ଶ୍ରୀ ଶିବ ପ୍ରସାଦ ବାହିନୀପତି

ସେଦିନ ଶନିବାର

ପୂତ ହେଲା ମନ ପ୍ରାଣ 

ଖେଳିଗଲା ମୋର ମାନସ ପଟ୍ଟଳେ

ଅହେତୁକ ଭାବ ଓ ଭକ୍ତିର ଶିହରଣ  ।

ମିଳିଗଲା ଆତ୍ମତୃପ୍ତି  

ପାଇଗଲି ସବୁକିଛି 

ଯାହା ଥିଲା ଇଚ୍ଛା  ମୋର 

ପୂର୍ଣ୍ଣ ହେଲା ଅବିଳମ୍ବେ ତାହା ।

ପ୍ରାପ୍ତ କଲି ପର୍ଯ୍ୟାପ୍ତ ପ୍ରମାଣେ ଶାନ୍ତି 

ଧୌତ ହେଲା କୋଟି ଜନ୍ମର ପାତକ

ପ୍ରଭାତ ଦର୍ଶନେ ପୁଲ୍ଲକିତ ହେଲା 

ମନ ପ୍ରାଣ ମୋର ।

ମୃତ ବତ୍ସା ଜୀବନ ପାଇଲା ପରି

ଥୁଣ୍ଟା ଗଛ ଡାଳେ ପତ୍ର କଅଁଳିଲା ପରି

ଶୁଷ୍କ ତୃଣ ପୁନର୍ଜୀବନ ପାଇବା ପରି

ସବୁକିଛି ପାଇଗଲି ସେହିଦିନ ।

ଯାଜପୁର ସହର ଉପକଣ୍ଠରେ 

ତବ ନିଳୟେ ପ୍ରବେଶି

ପବିତ୍ର ପ୍ରଲେପ ଲାଗିଗଲା ମୋ ସର୍ବାଙ୍ଗେ

ପବିତ୍ରତା ପ୍ରାପ୍ତ କଲା ବେନି ନେତ୍ର ମୋର ।

ଶରଣ ରକ୍ଷଣୀ ରକ୍ଷାକାଳୀ ମାଆ

ପାଦେ ମୋର ବାନ୍ଧିଦେଲ ଡୋରୀ

ଭିଡି ନେଲ ନିକଟକୁ 

ଆଶାଧିକ ଫଳ କଲି ପ୍ରାପ୍ତ ।

ଦର୍ଶନ ତ ମିଳିଗଲା ମାଆ,

ଶରଣାର୍ଥୀ କରିଦିଅନ୍ତ କି ;

ସାର୍ଥକ ହୋଇ ଯାଆନ୍ତା

ଏ ମାନବ ଜନ୍ମ ମୋର ।

ତରିଯା'ନ୍ତି ମିଛ ମାୟା ସଂସାରରୁ

ମଳିନ ମନକୁ ମିଳିଯା'ନ୍ତା

ମାଆର ଟୋପାଏ ସ୍ନେହ 

କଣ୍ଠେ ଲମ୍ବି ଯାଆନ୍ତା ରକ୍ଷା କବଚ ।।

ଭାଟପଡା,ନିରାକାରପୁର,କଣାସ (ପୁରୀ)

ଫୋ-୮୯୧୭୪୮୦୫୩୬