ରବି ଗଲେ ଡୁବି

    କାବ୍ଯଭୂଷଣ ଶିବ ପ୍ରସାଦ ବାହିନୀପତି 

              ସମ୍ପାଦକ - ଉଦୟ ଭାନୁ 

+++++++++++++++++++++++++++++

ବିଶ୍ୱାକାଶୁ ରବି କାହିଁ ଗଲେ ଡୁବି

        ବଲ୍ଲୀ ହେଲା ଅନ୍ଧକାର 

ବିଶ୍ବର କଲ୍ଯାଣ   ସାଧିବ କେ' ଜନ

         ତୋଳି ବିପ୍ଳବର ସ୍ବର ?

         ବଇଠା ହେଲା ନିଷ୍ପ୍ରଭ ;

ବଲମର ଶକ୍ତି       କଲମରେ ସଞ୍ଚି

      ଲେଖିବା ହେଲା ଦୁର୍ଲଭ । ୧

ରାଜନୀତି ଆଜି      ରଣନୀତି ସାଜି 

        ନେତ୍ରରୁ ନିଗାଡ଼େ ନୀର

ରାମ ନାମେ କେତେ    ରାବଣ ଜଗତେ

           ସମାଜଟା ଲଙ୍କାପୁର ।

            କିଏ ଆଉ ସୁଧାରିବ ;

କାହିଁ ହଜିଗଲେ     ବିପ୍ଳବୀ ଯେ' ଥିଲେ 

        ଶୋକେ ଅଭିଭୂତ ଭବ । ୨

ଜନମ ମରଣ        ସଂସାର ନିୟମ

          ତଥାପି ବୁଝୁନି ମନ

ସମାଜର ହିତ       ସାଧନେ ଯା' ଚ଼ିତ୍ତ

         ତାକୁ କି ଭୁଲିବେ ଜନ !

          ରହିବେ ଚ଼ିର ସ୍ମରଣ ;

ଲେଖନୀ ମୁନର       ସେ ଶବ୍ଦ ସମ୍ଭାର 

        କେବେ ନହେବ ମଳିନ । ୩

ବିଷାଦ ବଦନେ        ଅଶ୍ରୁଳ ଲୋଚ଼ନେ

             କରୁ ଶତ ପ୍ରଣିପାତ 

ନୂତନ ଭାବରେ        ପୁଣି ଅବନୀରେ 

            ଆସି ହୁଅ ଉପଗତ ।

           ସ୍ଫୁରୁ ବିଦ୍ରୋହର ସ୍ବର ;

କଲମ ନିଃସୃତ        ସେ କଡ଼ା କଟାକ୍ଷ 

         ଛେଦୁ ପୁଣି ଶତ୍ରୁ ଶିର । ୪

ଭାଟପଡ଼ା,ନିରାକାରପୁର,କଣାସ,ପୁରୀ 

ଯୋଗାଯୋଗ - ୮୯୧୭୪୮୦୫୩୬