କରିନିଅ ପାଖ ଲୋକ

କାବ୍ଯଭୂଷଣ ଶିବ ପ୍ରସାଦ ବାହିନୀପତି 

        ସମ୍ପାଦକ - ଉଦୟ ଭାନୁ 

%%%%%%%%%%%%%%%%%%

.  

କୁହ କଳାକାହ୍ନୁ        ପଚାରୁଛି ମନୁ

         କିସ ପାଇଁ ଏସନେକ 

ଦୁଃଖ ଅପ୍ରମିତ        ଜୀବନ ବିଷାକ୍ତ 

     ଆପଣା ବି ପର ଲୋକ ।୦।

ସତ୍ଯର ପୂଜାରୀ       ସାଜି ମୁଁ ଭଗାରି 

           ବିଚିତ୍ର ଏ କି ବିଚାର 

 କେଉଁ ଜନ୍ମ କୃତ        ଏ ଅଭିସମ୍ପାତ 

        ଅତ୍ର ଜନ୍ମେ ଭୋଗ ମୋର । 

 ଜନମରୁ ଦୀନ        ଦୁଃଖୀର ଜୀବନ

        ପ୍ରତି ପାଦେ ପ୍ରାପ୍ତ ଅକ ।୧।

ତୁମର ଏ ଖେଳ        ବୁଝିବା ଜଟିଳ

         ଆମର ଏ ସାଧ୍ଯ ନାହିଁ 

 କାହାକୁ ହସାଅ       କାହାକୁ କନ୍ଦାଅ

         କାହା ପାଇଁ ଜଳେ ଜୁଇ । 

ସ୍ବାର୍ଥର ସଂସାର       କେହି ନୁହେଁ କା'ର 

         ସବୁଠି ମିଛ ସମ୍ପର୍କ ।୨।

କାଲି ଯାଏଁ ମୋର       ଥିଲେ ଯେ' ନିଜର

           କରୁଥିଲେ କେତେ ସ୍ନେହ 

    ଆଜି ପର କରି       କଲେ ହତଶିରୀ 

         ବୁକେ ମୋ' ଭରିଲେ କୋହ ।

     ଦାରୁଣ ଦଇବ       ଦେଲ ବଇଭବ 

        ବେନି ଲୋଚନେ ଲୋତକ ।୩।

 ଅଛି କିବା ଆଉ       ଆହେ ମହାବାହୁ

          ଜୀବନ ଜିଇବା ମୋହ

ଜୁଇର ଶଯ୍ୟାରେ       ଶୋଇଗଲା ପରେ

             ସବୁକିଛି ଶାନ୍ତମୟ ।

ଶେଷ ଆଶା ମୋର         ରଖନ୍ତୁ ଠାକୁର 

         କରିନିଅ ପାଖ ଲୋକ ।୪।

✨✨✨✨✨✨✨✨✨✨✨✨

  ଭାଟପଡ଼ା , ନିରାକାରପୁର , କଣାସ , ପୁରୀ 

            ସମ୍ପର୍କ - ୮୯୧୭୪୮୦୫୩୬

✨✨✨✨✨✨✨✨✨✨✨✨