ଯାଯାବର ଦ୍ବିଜର ଯାଚ଼ଞ୍ଜ

 କାବ୍ୟଭୂଷଣ  ଶିବ ପ୍ରସାଦ ବାହିନୀପତି

ଯନ୍ତ୍ରଣା ଜୁଇରେ ମୋର ଜଳୁଛି ଜୀବନ

ଯମ ଯନ୍ତ୍ରଣାରୁ ମୁକ୍ତି ମିଳୁ ଜନାର୍ଦ୍ଦନ ।

ଯତି ନୁହେଁ ଯାଚକ ମୁଁ ଜାତିରେ ବ୍ରାହ୍ମଣ 

ଯାଚ଼ଞ୍ଜ ଶୁଣିମା ହୁଅ ଯଜ୍ଞ ନାରାୟଣ ।

ଯୁଗେ ଯୁଗେ ଦୁର୍ଜନର ଦମନ ନିମିତ୍ତ 

ଯୁଝି ଅଛ ଯଜ୍ଞାଧ୍ଯକ୍ଷ ଓହ୍ଲାଇ ମରତ ।

ଯୁଗାବ୍ଦ ପୁରୁଷ  ପ୍ରଭୁ ବୈକୁଣ୍ଠ ବିହାରୀ

ଯୋଡ଼ି ମୋର ବେନି କର କରୁଛି ଗୁହାରି ।

ଯୋଗନିଦ୍ରା ପରିହରି ଅନନ୍ତ ଠାକୁର

ଯୁଗଳ ଲୋଚ଼ନେ ବାରେ ନିରେଖ ସଂସାର ।

ଯମପୁର ସମ ଲାଗେ ଏଇ ଧରା। ଭୂଇଁ 

ଯଦୁନାଥ ସବୁ ଜାଣି ନିରବ କିମ୍ପାଇଁ ।

ଯମୁନାର ପ୍ରାଣନାହା ବାରେ ହୁଅ ସାହା

ଯାଯାବର ଶିବ ତବ ପଦେ ପ୍ରାର୍ଥେ ଏହା ।।

ଭାଟପଡ଼ା, ନିରାକାରପୁର, କଣାସ, ପୁରୀ