ଦର୍ଶାଅ ମୁକ୍ତିର ବାଟ

କାବ୍ଯଭୂଷଣ ଶିବ ପ୍ରସାଦ ବାହିନୀପତି 

       ସମ୍ପାଦକ - ଉଦୟ ଭାନୁ 

-------------------------------------

ନୈରାଶ୍ୟ ଅନ୍ଧାରେ       ନିତି ବୁଡ଼ି ମରେ

          ବିଷାଦ ବହ୍ନିରେ ଜଳେ

  ନିଃସଙ୍ଗ ଜୀବନ       ଦିଅଇ କଷଣ

        କୋହ ଗଦା ବୁକୁ ତଳେ ।

         ନିତ୍ଯ ସ୍ନାନ ଅଶ୍ରୁ ଜଳେ ;

ବିଗତ ସେ ସନ       ଦେଲା ତ କଷଣ

         ସର୍ବସ୍ବ ଲୁଟିଲା ଛଳେ ।।

  ଆଉ ଅଛି କିସ       ଛଡ଼ାଇବ ଆସ

         ନୂଆ ରୂପରେ ତେଇଶ 

ପିଣ୍ଡୁ ପରାଣ       ବେଗେ ମୋର ଘେନ

         ଜୀବନଟା ଲାଗେ ବିଷ ।

         ଅଟକି ଯାଉ ନିଃଶ୍ବାସ  ;

 ମୂଳରୁ ଓପାଡ଼ି       ଦିଅ ତୁ ଫୋପାଡ଼ି 

         ପାଇବୁ ଆତ୍ମସନ୍ତୋଷ ।।

ଲୋଭ ଆଉ ନାହିଁ       ଏଇ ପ୍ରାଣ ପାଇଁ

          ଭାଙ୍ଗିଯାଉ ମାଟି ଘଟ 

ନୂଆ ରୂପେ ତୁହି       ଧରାରେ ଓହ୍ଲାଇ

         ଦେଖାଇବୁ ନାହିଁ ନାଟ ।

          କରନା ଆଉ କପଟ  ;

ଅନୁରୋଧ ମୋର       ବାରେ ରକ୍ଷା କର

          ଦର୍ଶାଅ ମୁକ୍ତିର ବାଟ ।।

ଭାଟପଡ଼ା, ନିରାକାରପୁର , କଣାସ , ପୁରୀ 

         ସମ୍ପର୍କ- ୮୯୧୭୪୮୦୫୩୬ 

                      🙏