ମାଘ ମହାତ୍ମ୍ଯ

ଶିବ ପ୍ରସାଦ ବାହିନୀପତି 

          ସମ୍ପାଦକ - ଉଦୟ ଭାନୁ 


ମାଘ ପରି ନାହିଁ ମାସ
ମହାତ୍ମ୍ୟ ତା'ର ସରସ 
                ବଉଳ ଲୋ.....
ବିଦିତ ଜନମାନସ...
            ବଉଳ ଲୋ..... ୧
ଧନୁ ସଂକରାନ୍ତି ପରେ
ମାଘ ଓହ୍ଲାଏ ଧରାରେ
                   ବଉଳ ଲୋ.....
ବସନ୍ତ ମରୁତ ଝରେ...
                  ବଉଳ ଲୋ..... ୨
ମାଘ ସ୍ନାନଟି ପବିତ୍ର
ଧର୍ମ ଅର୍ଜନ ସର୍ବତ୍ର 
               ବଉଳ ଲୋ.....
ମାଘଟି ମଘା ନକ୍ଷତ୍ର...
                ବଉଳ ଲୋ..... ୩
ଶୀତର ଅନ୍ତିମ ମାସ 
ସିଂହ ସମାନ ପରସ
                ବଉଳ ଲୋ.....
ସୂର୍ଯ୍ଯପୂଜାଟି ବିଶେଷ...
               ବଉଳ ଲୋ..... ୪
ଏ ମାସର ଆକର୍ଷଣ
ମକର ସଂକ୍ରାନ୍ତି ଜାଣ
                ବଉଳ ଲୋ.....
ଉତ୍କଳେ ପର୍ବ ପ୍ରଧାନ...
                ବଉଳ ଲୋ..... ୫
ଭୀଷ୍ମ ଏକାଦଶୀ ମୌନୀ 
ଅମାବାସ୍ଯା ପଡ଼େ ପୁଣି
                   ବଉଳ ଲୋ.....
ଏସବୁ ପାପନାଶିନୀ...
               ବଉଳ ଲୋ..... ୬
ଦାନ-ଉପବାସ-ବ୍ରତ
ବିଷ୍ଣୁ ପୂଜାଟି ମହତ
                ବଉଳ ଲୋ.....
ଅଗ୍ନ୍ଯୁତ୍ସବଟି ଶାଶ୍ୱତ... 
                 ବଉଳ ଲୋ.....୭
ମାଘ ପଞ୍ଚମୀଟି ପୁଣ୍ଯ 
ବୀଣାପାଣିଙ୍କ ଅର୍ଚ୍ଚନ
              ବଉଳ ଲୋ.....
ତୀର୍ଥ ମାସେ ମାଘ ଗଣ୍ଯ...
                     ବଉଳ ଲୋ..... ୮
ଆଉ କି ବର୍ଣ୍ଣିବି ମୁହିଁ 
ଲେଖିଲେ ହୋଇବ ବହି
                     ବଉଳ ଲୋ.....
କାବ୍ୟଭୂଷଣ କହଇ...
                   ବଉଳ ଲୋ..... ୯
ମାଘ ପରି ନାହିଁ ମାସ
ମାହାତ୍ମ୍ୟ ତା'ର ସରସ
                  ବଉଳ ଲୋ.....
ସବୁ ମାସଠୁ ବିଶେଷ...
                  ବଉଳ ଲୋ..... ୧୦

ଭାଟପଡ଼ା , ନିରାକାରପୁର , କଣାସ , ପୁରୀ 
       ଫୋନ୍‌ ନଂ - ୮୯୧୭୪୮୦୫୩୬

Comments

Post a Comment

Popular posts from this blog

ହୃଦୟ ହଜେଇ ଖୁସିରେ କାନ୍ଦୁଛି

              କାବ୍ଯଭୂଷଣ ଶିବ ପ୍ରସାଦ ବାହିନୀପତି     ଏକା ଥିଲି ଯେବେ ମୁଁ ଭଲରେ ଥିଲି  କାହିଁ ମୁଁ ପ୍ରିୟା ତୋତେ ଭଲପାଇଲି । ଭଲପାଇ ନିଜେ ନିଜକୁ ଠକିଛି ହୃଦୟ ହଜେଇ ଖୁସିରେ କାନ୍ଦୁଛି । ୧ ହୃଦୟ ଦେଇ ମୁଁ କରିଥିଲି ପ୍ରେମ ତା' ପ୍ରେମ ତ ମୋ' ପାଇଁ ହେଲା ସପନ ।  ପ୍ରେମ କରି ନିଜେ ନିଜଠୁ ହାରିଛି ହୃଦୟ ହଜେଇ ଖୁସିରେ କାନ୍ଦୁଛି । ୨ ଦେଖାଇଲୁ କେତେ ତୁ ମିଠା ସପନ ଦିବସେ ପ୍ରେୟସୀ ମୁଁ ଦେଖିଲି ଜହ୍ନ ।  ମିଛ ଜହ୍ନ ଦେଖି ବହୁତ କାନ୍ଦିଛି ହୃଦୟ ହଜେଇ ଖୁସିରେ କାନ୍ଦୁଛି । ୩ ସାତ ଜନମକୁ ସାଥୀ ହେବୁ ବୋଲି  ଦେଇଥିଲୁ କଥା ଗଲୁ କି ତୁ ଭୁଲି !!! ଭାବି ତୋର କଥା ଲୁହ ମୁଁ ଢ଼ାଳୁଛି ହୃଦୟ ହଜେଇ ଖୁସିରେ କାନ୍ଦୁଛି । ୪ ଅଧାବାଟେ ମୋର ହାତ ଛାଡ଼ିଦେଲୁ ବଞ୍ଚି ଥାଉ ଥାଉ ମାରିଦେଇ ଗଲୁ । ଥିଲା କେଉଁ ଅପରାଧ କହିବୁକି ? ହୃଦୟ ହଜେଇ ଖୁସିରେ କାନ୍ଦୁଛି । ୫ ଶୋଇଛି ମୁଁ ଦୁଃଖ କୋକେଇ ଉପରେ ଜଳୁଛି ଆଜି ମୁଁ ବିରହ ଜୁଇରେ ।  ବିରହ ସଙ୍ଗୀତ ଆଜି ମୁଁ ଗାଉଛି ହୃଦୟ ହଜେଇ ଖୁସିରେ କାନ୍ଦୁଛି । ୬ ବାସର ରାତିରେ ପୁଷ୍ପ ଖଟିଆରେ ବସିଥିବୁ ପ୍ରିୟା କାନ୍ତ ଅପେକ୍ଷାରେ ।  ଏଠି ମୁଁ ମୃତ୍ୟୁର ପ୍ରତୀକ୍ଷାରେ ଅଛି ହୃଦୟ ହଜେଇ ଖୁସିରେ କାନ୍ଦୁଛି । ୭ ତୁ ଶୋଇଥିବୁ ଲୋ ଗୋଲାପ ଶଯ୍ଯାରେ ମୁଇଁ ଶୋଇଥିବି ଚ଼ିରା ମସିଣାରେ । ହସୁଥିବୁ ତୁ ମ...
Read more

ମମତାମୟୀ ମାଆ

     କାବ୍ୟଭୂଷଣ ଶିବ ପ୍ରସାଦ ବାହିନୀପତି                       ସମ୍ପାଦକ - ଉଦୟ ଭାନୁ  ମାଆ ତୁ ମମତାମୟୀ , ମାଆ ତୁ କରୁଣାମୟୀ  ମାଆ ଲୋ ତୁ ସ୍ନେହମୟୀ , ମାଆ ଲୋ ତୁ କୃପାମୟୀ ।  ଦେଇଛୁ ତୁ କେତେ ସ୍ନେହ , କେବେ ମୁଁ ଭୁଲିବି ନାହିଁ  ତୁ ପରା ଦେବୀ ମୋ' ପାଇଁ , ପୂଜିବି ତୋତେଲୋ ମୁହିଁ । ମାଆ ତୁ ମମତାମୟୀ , ମାଆ ତୁ କରୁଣାମୟୀ ।୧ ସହିଛୁ କେତେ ଯାତନା , ଶୁଣିଛୁ କେତେ ଗଞ୍ଜଣା ପାଇଛୁ କେତେ ତାଡ଼ନା , ସ୍ନେହରେ କରିନୁ ଉଣା । ଅଶ୍ରୁ ନିର୍ଝର ଝରାଇ , ପାଳିଛୁ ମୋତେ ଲୋ ତୁହି  ଦୁଃଖେ ମୋ' ଢ଼ାଳିଛୁ ଲୁହ , ମୋ' ସୁଖେ ହସିଛୁ ତୁହି ।  ମାଆ ତୁ ମମତାମୟୀ , ମାଆ ତୁ କରୁଣାମୟୀ ।୨ ଗର୍ଭେ ଧରି ଦଶମାସ , ଦଶଦିନ ପରିଯନ୍ତ ଜନମ ଦେଇଛୁ ମାଆ , ସହି କେତେ ଦୁଃଖ କଷ୍ଟ । ଛୋଟରୁ କରିଛୁ ବଡ଼ , ଲହୁକୁ ଲୁହ ସଜେଇ  ସେବା ତୁ କରିଛୁ ମୋର , କେତେ ରାତି ଚେଇଁ ଚେଇଁ । ମାଆ ତୁ ମମତାମୟୀ , ମାଆ ତୁ କରୁଣାମୟୀ ।୩ ନିଜେ ରହି ଉପବାସ , ମୋତେ ତୁ ଦେଲୁ ଆହାର  ଥନୁ ତୋର ସୁଧା ଦେଇ , ଧରଣୀଠୁ ହେଲୁ ବଡ଼ । ସୁଝି ମୁଁ ପାରିବି ନାହିଁ , ଋଣ ତୋର କେବେ ମୁହିଁ  କଥା ମୁଁ ଦଉଛି ତୋତେ , ଲୁହ ତୋ' ଝରିବ ନାହିଁ । ମାଆ ତୁ ମମତାମୟୀ , ମାଆ ତୁ କରୁଣାମୟୀ ।୪ ମତେ ତୁ ନିଏ କୋଳେଇ , ରଖ ପଣତ ଘୋଡ଼...
Read more

ଯାଜପୁର ବିରଜା

କାବ୍ଯଭୂଷଣ ଶିବ ପ୍ରସାଦ ବାହିନୀପତି         ସମ୍ପାଦକ - ଉଦୟ ଭାନୁ      କୁଳୁକୁଳୁ ନିନାଦରେ ବହିଯାଉଛି ପୁଣ୍ଯତୋୟା ବୈତରଣୀ ଯାଜପୁର ଜିଲ୍ଲାର ଭୂ ବକ୍ଷରେ । ସେହି ପୁଣ୍ୟ ବୈତରଣୀ ତଟ ଦେଶରେ ନବର ତୋଳି ବିରାଜମାନ କରିଛନ୍ତି ମାଆ ବିରଜା । ତାଙ୍କର ଅବସ୍ଥାନ ସେହି ମାଟିକୁ ବିରଜା କ୍ଷେତ୍ର ନାମରେ ନାମିତ କରି ବିଶ୍ବ ପ୍ରସିଦ୍ଧ କରାଇଛି । ଦ୍ବିଭୁଜା ସଂସ୍ଥିତା , ଏକ ହସ୍ତରେ ତ୍ରିଶୂଳ ଓ ଆରେକ କରେ ମହିଷାସୁରର ଲାଙ୍ଗୁଳ ଧାରରଣ କରି ପୂଜା ପାଉଛନ୍ତି ଦେବୀ ବିରଜା ; ମହିଷ ରୂପରେ ବିରାଜିତ ଦାନବ ଯାହା ଅନ୍ଯତ୍ର ଦୃଶ୍ଯମାନ ନୁହେଁ । ମାତାଙ୍କ ମସ୍ତକେ ଧାରିତ ମୁକୁଟ ମଧ୍ୟେ ଗଣପତି , ଶିବଲିଙ୍ଗ , ଯୋନି , ନାଗରାଜ , ଅର୍ଦ୍ଧଚନ୍ଦ୍ର ପରିଶୋଭିତ । ଉଡ୍ଡୀୟାନ ତନ୍ତ୍ରପୀଠ ଭାବରେ ଜଣା , ସମସ୍ତ ରଜୋଗୁଣର ଧୌତକାରୀ ହେତୁ ଏହା ବିରଜା କ୍ଷେତ୍ର ବୋଲି "ସ୍କନ୍ଦ ପୁରାଣ"(ଉତ୍କଳ ଖଣ୍ଡ)ରେ ବର୍ଣ୍ଣିତ । କିଛି ତନ୍ତ୍ର ଗ୍ରନ୍ଥାନୁସାରେଣ ଦକ୍ଷ ଯଜ୍ଞ କାଳେ ଅତ୍ର ମାତା ସତୀଙ୍କ ନାଭି ପାତିତ ହୋଇଥିଲା ; ନାଭିଦେଶେ ନାରୀମାନେ ପିନ୍ଧୁଥିବା ଓଡ଼ିଆଣୀ ବା କଟୀସୂତ୍ରାନୁସାରେ ଏ ପୀଠର ନାମକରଣ ଉଡ୍ଡୀୟାଣ ପୀଠ ହୋଇଛି । ଏ ପ୍ରଦେଶର ନାମ ବି ଓଡ୍ର ଅଟେ ।      ଶାସ୍ତ୍ର କହେ - "ରାମେଶ୍ବରୀ ସେତୁବନ୍ଧେ ବିମଳା ପୁରୁଷୋତ୍ତମେ / ବିରଜା ଓଡ୍ରଦେଶେ ଚ କାମାକ୍ଷା ନୀଳପର୍ବତେ ।...
Read more