ଅସାଧୁ କବି

କାବ୍ୟଭୂଷଣ ଶିବ ପ୍ରସାଦ ବାହିନୀପତି 

ହାଙ୍କିବି ହାଙ୍କିବି     କହୁଥେଲା ଭେକି

         ଆତ୍ମଘୋଷିତ ସେ କବି

ଦେଖି ଭରା ଗରା     ଯିଏ ଆତ୍ମହରା

       ଭାବି ନେଉଥେଲା ବିବି ।

         ଅସାଧୁ ଚ଼ରଣ ସେବି ;

ଆସିଥେଲା ପାଶେ     କାହାର ସନ୍ଦେଶେ

         କାଉ ପରି ଗଲା ରାବି । 

କୁକୁର କି ଜାଣେ     ଠାକୁର ଅର୍ଚ୍ଚନା 

       ମଳରେ ଯାହାର ମନ

କହେ ଯଦି ପୁଷି     ମୁଁ ନିରାମିଷାଶୀ 

          ଜଗତେ ହସିବେ ଜନ । 

           ବାଞ୍ଝ ଚ଼ାହୁଁଛି ସନ୍ତାନ ;

ବାଡ଼ିଖିଆଟାର     ନାହିଁରେ ସଂସ୍କାର

         ମିଛେ ବଖାଣୁଛି ଜ୍ଞାନ ।

ଥିଲା ଯିଏ କାଲି     ସାହିତ୍ଯ ବେପାରୀ

         ସମାଜସେବୀ ସେ ଆଜି

ଭାଷା ସାହିତ୍ଯର     ମାନ ରକ୍ଷା କର

        କହି ବୁଲୁଛି ସେ ପାଜି । 

       ଭକ୍ଷି ତା' ସଂସ୍କାର ଭୋଜି ;

ସାମାଜିକ ଗଣ -     ମାଧ୍ୟମରେ ଜନ

         ମନ୍ତବ୍ୟ ଦିଅନ୍ତି ଖୋଜି ।

ହାଣିବି ମାରିବି     ଖୋଳିବି ତାଡ଼ିବି

        ବହପ ଠାଣିରେ ଭଣେ

ମାଆ - ଭଉଣୀର      ଜ୍ଞାନ ନାହିଁ ତା'ର

        ପ୍ରଶଂସକ ପଣେ ପଣେ ।

         ତୃତୀୟଲିଙ୍ଗି ଦର୍ଶନେ ;

ଛତରା ବାତେରା     ଯେ' ମାଇପଛଡ଼ା

         ମିଳନ୍ତି ଗୋଟିଏ ସ୍ଥାନେ ।

ଚ଼ାଟି ପର ପାଦ      ବୋଲଇ କୋବିଦ

       ମୋ' ଠାରୁ କେ' ନାହିଁ ଆଉ

ଗୋମୟରେ ନିତି     ଘାଣ୍ଟି ହେବା ବ୍ଯକ୍ତି

         ଦେଖାଉଛି ତା'ର ଭାଉ । 

          ଅତି ଚ଼ାଲାକରେ କାଉ ;

   ଅଭକ୍ଷ ଭକ୍ଷଣ      କରେ ପ୍ରତିଦିନ

          ବିଭାବରୀ ପାହୁ ପାହୁ ।

ଦେଖିବି ମୁଁ ଥରେ     କଲମ ମୁନରେ

        କେତେ ଶକ୍ତି ଅଛୁ ସଞ୍ଚି

ବାଚ଼ାଳାମି ତୋର     ହୋଇବ ସଂହାର

          ଯେଉଁଦିନ ଯିବୁ ରାଞ୍ଚି ।

          ରହ ମୁଁ ଦେଉଛି ଚ଼ାଞ୍ଛି ;

  ଯେତେ ରହିଛନ୍ତି     ତୋର ପୋଷା କୁତୀ

           ପଠାଅ ମୋହର କତି ।

ଭାଟପଡ଼ା , ନିରାକାରପୁର , କଣାସ , ପୁରୀ 

ଯୋଗାଯୋଗ - ୮୯୧୭୪୮୦୫୩୬