ବିଷମୟ ଲାଗିଲାଣି ବିଷମ ସଂସାର

କାବ୍ଯଭୂଷଣ ଶିବ ପ୍ରସାଦ ବାହିନୀପତି 

        ସମ୍ପାଦକ - ଉଦୟ ଭାନୁ 

ପ୍ରଣମେ ଚରଣ ପ୍ରଭୁ କୌଶଲ୍ୟା ନନ୍ଦନ

ଅଧମ ଏ ଭକତର ପ୍ରଣିପାତ ଘେନ ।

ଜ୍ଞାନ ଗୁଣ ହୀନ ମୁହିଁ ମୁରୁଖ ଅଧମ

ପାପାଚାରୀ ମତଗର୍ବୀ କି ବର୍ଣ୍ଣିବି ଗୁଣ ?

ମିଛମାୟା ସଂସାରରେ ଦେଇଛ ଜନମ

ପାପ ପଙ୍କେ ବୁଡ଼ିଛି ମୁଁ ପାପୀଷ୍ଠ ଅଧମ ।

ବିଧର୍ମୀ ମେଳେ ରହି ମୁଁ ପାପୀ ବୋଲାଇଲି

ସତ୍ଯ ନ୍ଯାୟ ଧର୍ମକୁ ମୁଁ ପାଦରେ ଦଳିଲି ।

ଅକ୍ଷାନ୍ତି କରିଲା ବାସ ଏଇ ହୃଦୟରେ

ଜଗତ ଦେଖିଲା ମୋତେ ଅକ୍ଷିଗତ ନେତ୍ରେ । 

ଅକ୍ଷି ବିକୁଣିତ ମତେ କରିଲେ ସରବେ

ଅତିଷ୍ଠ ହେଲିଣି ପ୍ରଭୋ ରଖ ଏବେ ମୋତେ ।

ଆପଣେଇ ନିଅ ମୋତେ ଅଙ୍କକୁ ତୁମର

ବିଷମୟ ଲାଗିଲାଣି ବିଷମ ସଂସାର ।

ପ୍ରତିଷ୍ଠାତା/ମୁଖ୍ଯ ସମ୍ପାଦକ - ସୁଦେଷ୍ଣା ପ୍ରମୋଦ ସାହିତ୍ଯ ସଂସଦ 

ଭାଟପଡ଼ା , ନିରାକାରପୁର , କଣାସ , ପୁରୀ 

ଯୋଗାଯୋଗ - ୮୯୧୭୪୮୦୫୩୬