କୁହ କଳାଦିଅଁ

କାବ୍ଯଭୂଷଣ ଶିବ ପ୍ରସାଦ ବାହିନୀପତି 

        ସମ୍ପାଦକ - ଉଦୟ ଭାନୁ 

କୁହନ୍ତୁ କଳାଦିଅଁ      କିପାଇଁ ଦିଅ ଲୁହ

       କେଉଁ ଜନ୍ମର ଫଳ ଭୋଗ

କାହା ଅଭିସମ୍ପାତ     କରେ ଯନ୍ତ୍ରଣାସିକ୍ତ 

         କଷଣ ହର ମହାଭାଗ ।

          କପର୍ଟୀ ବିପ୍ରର ପ୍ରାର୍ଥନ ,

           କର୍ଣ୍ଣପାତି କର ଶ୍ରବଣ ;

କହିବି କିସ ଆଉ     କୁହ ହେ, ମହାବାହୁ

         କହିବାକୁ ନାହିଁ ବଚନ ।୧।

 କାଳ କରାଳ ଗର୍ଭେ     କାଟନ୍ତି ଦିନ ସର୍ବେ

         କୋକୁଆ ଭୟ ଏ ମହୀରେ

କି ଆସିଲା ସମୟ     କୋଣାନୁକୋଣେ ଭୟ

        କୋରୋନା ଭୂତାଣୁ ପାଇଁରେ ।   

            କୃପାନିଧି କର କରୁଣା ,

          କର ଯୋଡ଼ି କରୁ ପ୍ରାର୍ଥନା ;

କାଳକଣ୍ଟକ ହେବ     କରୁଣା ବିନା ଭବ

       କର ଭକତ ସ୍ତୁତି ଘେନା ।୨

କୁହ କମଳାପତି     କାଳ କି ପାଖେ ଅତି

          କଳିଯୁଗ ହେବାକୁ ଇତି

କରିବେ କି ଠାକୁର     କଳ୍କୀ ରୂପେ ସଂହାର

          କେତେ ମ୍ଳେଚ୍ଛଙ୍କର ପ୍ରଜାତି ।

           କହନ୍ତି ହାଡ଼ି ଯଶୋବନ୍ତ ,

           କହିଛନ୍ତି ଯାହା ଅଚ୍ୟୁତ ;

 କଳିକାଳ ବିନାଶ     କରିବେ ଜଗଦୀଶ 

        କୁହ ପ୍ରଭୁ ଏହା କି ସତ !।୩।

 କଲେ ଧର୍ମାଚରଣ     କୃଷ୍ଣ ନାମ ଭଜନ

          କଲେ ଅହିଂସା ଆଚରଣ 

କାମ-କ୍ରୋଧ ବରଜି     କର୍ମେ ରହିଲେ ମଜି

           କୁଳକୁ ହୋଇବା ବିହନ ।

            କୁହ ହେ, ପତିତପାବନ ,

           କରେ ସ୍ତୁତି କାବ୍ଯଭୂଷଣ ;

    କୃପାଜଳ ବର୍ଷଣ     କରନ୍ତୁ ଲକ୍ଷ୍ମୀପ୍ରାଣ

          କଷଣ ନହେଉ କଠିନ ।୪।

   ଭାଟପଡ଼ା , ନିରାକାରପୁର , କଣାସ , ପୁରୀ 

          ଦୂରଭାଷ - ୮୯୧୭୪୮୦୫୩୬