ଗଣକବି

କାବ୍ୟଭୂଷଣ ଶିବ ପ୍ରସାଦ ବାହିନୀପତି 

             ସମ୍ପାଦକ - ଉଦୟ ଭାନୁ 

ବାଲ୍ଯେ ବୁଢ଼ାବାପାଙ୍କ ତୁଣ୍ଡରୁ

ଶୁଣିଛି ଅନେକ ବାର

ବିଦ୍ଯାଳୟ କାନ୍ଥରେ ଦେଖିଛି

ଟଙ୍ଗା ଯାଇଥିବା ଚିତ୍ରପଟ୍ଟକୁ ତୁମର । 

ଦେଖିଛି ପୁଣି ମୋର ପାଠ୍ଯ ପୁସ୍ତକେ

ତୁମର ସେ ଅଙ୍କିତ ଚିତ୍ରକୁ

ପଢ଼ିଛି ତୁମ ଜୀବନ ଗୀତା

ଜାଣିଛି ତୁମ କ୍ରାନ୍ତିକାରୀ ପ୍ରତିଭା ।

ମୋ' ଶିକ୍ଷକଙ୍କ ଗଳ୍ପ କଥନେ ମଧ୍ଯ

ଉଦହରଣର ଶୀର୍ଷକରେ ତୁମେ

ଓଡ୍ର ଐତିହ୍ୟ ସଂସ୍କୃତି ଆଉ

ପରମ୍ପରାର ଉତ୍ସାହକ ବନିଛ ।

ନାନାଦି ସଂଙ୍ଘର୍ଷେ ପରିପୂର୍ଣ୍ଣ ପ୍ରାଣେ

ଥକ୍କା ମେଣ୍ଟାଇବା ପାଇଁ ମଧ୍ୟ 

କେବେ ବି ଉତ୍ସାହ ଆସିନି ତୁମର

ସାଧନାରୁ ନେଇନ ବିରତି । 

ମାର୍ମିକ ଉପଲବ୍ଧି କରିଛ

ସାହିତ୍ଯ ଓ ଜୀବନକୁ ଯାହା

ତୁମ ଲେଖନୀ ମୁନେ ପ୍ରତିଫଳିତ 

କ୍ରୟ କରିନିଏ ପାଠକ ହୃଦୟ । 

ତୁମ ହସ୍ତେ ରୋପିତ ସାହିତ୍ଯ ବୃକ୍ଷେ

ଝୁଲୁଛି ଅନେକ ବିରାଟ ବିରାଟ

ସମାଜ ପରିସ୍ଥିତି ଓ ପରିବେଶର ଫଳ

ଖାଇ ବି ଆହୁରି ଖାଇବାର ଇଚ୍ଛା ।

ଭାରତର ପରାଧୀନତାର

ରୂପରେଖ ଦର୍ଶନେ ନେତ୍ର ଯୁଗଳୁ

ଝରି ପଡୁଥିଲା ଧାର ଧାର ଲୁହ

ଯା' ଥିଲା ଲେଖନୀ ମୁନର ଅକ୍ଷର । 

ତୁମ ବିରୋଧାତ୍ମକ ଲେଖାର

ଉତ୍ତର ନଥିଲା ବ୍ରିଟିଶ୍‌ ସମୀପେ ;

ଆତ୍ମନିର୍ଭରଶୀଳତାର ସ୍ଲୋଗାନ୍‌

ଉତ୍ସାହ ଭରୁଥିଲା ଜନମାନସେ ।

ତୁମ ରଚିତ ଗୀତିନାଟ୍ଯର

ପ୍ରତି ପଦରେ ଆତ୍ମନିର୍ଭରଶୀଳତାର 

ଯାହା ବି କିଛି ବାର୍ତ୍ତା ଭରି ରହିଛି 

ତାହା ସତରେ ଅତୁଳନୀୟ ।

ମୁକ୍ତ ରଙ୍ଗମଞ୍ଚରୁ ଜନତାଙ୍କର 

କମି ଆସୁଥିବା ଆଗ୍ରହକୁ

ବଢ଼ାଇବାର ଯୁଗାନ୍ତକାରୀ

ପରିବର୍ତ୍ତନକୁ ସାଧୁବାଦ । 

ସର୍ବତ୍ର ପରିଲକ୍ଷିତ ସମାଜର ଚିତ୍ର

ପୁରାଣ ହେଉ ବା ଇତିହାସ 

ଗଳ୍ପ ହେଉ ବା ଉପନ୍ୟାସ 

କାବ୍ଯ କବିତା ହେଉ ବା ସଂଳାପ ।

ସାଧାରଣ ଭାଷା ହିଁ ତୁମର

ସଫଳତାର ପ୍ରକୃତ ଚାବିକାଠି 

ମାତ୍ର ଉଣେଇଶ ବର୍ଷ ବୟସରେ 

ପାଲା ଗାୟକଟେ ହେବାର ସୌଭାଗ୍ୟ ।

ଏକାଧାରରେ କବି ଓ ନାଟ୍ଯକାର

ଅଭିନେତା ଏବଂ ନିର୍ଦ୍ଦେଶକ 

ବହୁମୁଖୀ ପ୍ରତିଭାର ଅଧିକାରୀ 

ଆଉ ନିର୍ଭୀକ ଓ ସ୍ପଷ୍ଟବାଦୀ  ।

ଆଚମ୍ବିତ କରେ ସେକାଳେ ତୁମର

ମଦ ବିରୋଧି ମୂଳକ ମତାମତ 

ସମାଜରେ ସଂସ୍କାର ଆଣିବା ପାଇଁ 

ତୀବ୍ର ଲେଖନୀ ଚାଳନା ।

ଜନତାଙ୍କ ମଙ୍ଗଳାର୍ଥେ ସମର୍ପିତ 

ଜୀବନବ୍ୟାପୀ ସାହିତ୍ଯ ସାଧନା

ଯାହା ତୁମକୁ ପରିଚିତ କରିଛି

ଲୋକମୁଖରେ ଗଣକବି ଭାବରେ । 

ପ୍ରତିଷ୍ଠାତା/ମୁଖ୍ଯ ସମ୍ପାଦକ - ସୁଦେଷ୍ଣା ପ୍ରମୋଦ ସାହିତ୍ଯ ସଂସଦ 

ଭାଟପଡ଼ା , ନିରାକାରପୁର , କଣାସ , ପୁରୀ 

    ଯୋଗାଯୋଗ - ୮୯୧୭୪୮୦୫୩୬