ବାଗ୍ମୀ ବ୍ଯକ୍ତିତ୍ବ ପ୍ରାଜ୍ଞ ପୌରୁଷ - ଯୋଗାଚାର୍ଯ୍ଯ ରମାକାନ୍ତ କର

କାବ୍ଯଭୂଷଣ ଶିବ ପ୍ରସାଦ ବାହିନୀପତି 

ହେ ବାଗ୍ମୀ ବ୍ଯକ୍ତିତ୍ବ      ଘେନ ପ୍ରଣିପାତ 

          ବେନି କର ସ୍ପର୍ଶେ ପଦ

ହେ ପ୍ରାଜ୍ଞ ପୌରୁଷ     ପ୍ରାପ୍ତେ ତବାଶିଷ

        ଭେଇଲି ମୁଁ କେଇ ପଦ ।

        ଯୋଗାଚାର୍ଯ୍ଯ ରମାକାନ୍ତ ;

ନିରଳସେ ପୁଣି     ଯୋଗ ବୀଜ ବୁଣି

      ମରତେ ହୋଇଲ ଖ୍ଯାତ ।୦

ସ୍ବାସ୍ଥ୍ୟ ପାଇଁ ହିତ     ଯୋଗ ବୋଲି ଜ୍ଞାତ

           ଶାସ୍ତ୍ରରେ ବି ପ୍ରମାଣିତ

ସେଲାଗି ହେ କର     ଯୋଗର ଶିବିର 

        ଗଢ଼ି ହେଲ ପ୍ରଶଂସିତ ।

        ଉତ୍କଳ ସାରା ବିଖ୍ଯାତ ;

ସମ୍ବାଦପତ୍ରରେ       ପତ୍ରପତ୍ରିକାରେ

      ଯୋଗ ପ୍ରବନ୍ଧ ମଣ୍ଡିତ ।୧

ସ୍ଥାନେ ସ୍ଥାନେ ପୁଣି     ଯୋଗ ସମ୍ମିଳନୀ 

         ଯୋଗର ପ୍ରତିଯୋଗିତା 

କରି ଆୟୋଜନ     ବୋଲାଇଛ ଧନ୍ଯ 

         ପ୍ରସ୍ଫୁଟିତ ବାଗ୍ମୀୟତା ।

        ତୁମ ପରି ବ୍ଯକ୍ତି ପାଇ ;

ଧରା ହେଲା ଧନ୍ଯ     ଆହେ ମହାମାନ୍ଯ 

         ଏ ଓଡ୍ର ଭୁଲିବ ନାହିଁ ।୨

ସମ୍ବାଦପତ୍ରର       ଭୂମିକାରେ କର

      ଆସୀନ ହୋଇ ମହାନ

ପ୍ରଜାତନ୍ତ୍ର ପରି       ଖବରକାଗଜ

        ରଖିବ ତୁମକୁ ମନ ।

      ଯୋଗ ପଲ୍ଲବ ପତ୍ରିକା ;

ସମ୍ପାଦନ କରି     ବଢ଼ାଇଛ ଶିରୀ

     ଫୁଟି ଉଠେ ମହାନତା ।୩

ଆଜିର ଦିନରେ      ଜନ୍ମ ଦିବସରେ

      ଶଙ୍ଖକ୍ଷେତ୍ରେଶ୍ବର ପାଶେ

ନମ୍ର ନିବେଦନ      କରେ ମୁଁ ପ୍ରାର୍ଥନ

       ତବ ଦୀର୍ଘତ୍ବର ଆଶେ ।

       କାବ୍ୟଭୂଷଣ ମୁଁ ଭାଷେ ;

ହେ କରୁଣାକର      ବଢ଼ାଇଣ କର

       କରଙ୍କୁ ରଖ ସ୍ବପାଶେ ।୪

ସମ୍ପାଦକ - ଉଦୟ ଭାନୁ 

ପ୍ରତିଷ୍ଠାତା /ସମ୍ପାଦକ - ସୁଦେଷ୍ଣା ପ୍ରମୋଦ ସାହିତ୍ଯ ସଂସଦ 

ଭାଟପଡ଼ା , ନିରାକାରପୁର , କଣାସ , ପୁରୀ 

ଦୂରଭାଷ - ୮୨୪୯୭୭୨୩୬୧