ଦୀପାବଳୀ ପର୍ବ

କାବ୍ୟଭୂଷଣ ଶିବ  ପ୍ରସାଦ ବାହିନୀପତି 

ସମ୍ପାଦକ - ଉଦୟ ଭାନୁ 

ବରଷକ ପରେ ମହାକାର୍ତ୍ତିକରେ

ଫେରି ଆସିଛି ପୁଣି ଏ ଦୀପାବଳୀ 

ପିତୃପୁରୁଷଙ୍କୁ ଦୀପ ଦେଖାଇବା

ଆମେ ପରା ଘୃତପୂର୍ଣ୍ଣ ଦୀପ ଜାଳି ।

ବଡ଼ବଡ଼ିଆ ହୋ ! ଆଲୋକରେ ଆସ

ହେ ପିତୃଲୋକେ ଅନ୍ଧାରେ ତୁମେ ଯାଅ

ଖାଇଦେଇ କ୍ଷୀର ରଖିଯାଅ ସର

ପିତୃ ! ଅମୃତ ଦୃଷ୍ଟିରେ ଚାହିଁ ଥାଅ ।

ଲୋକ ଦେଖାଣିଆ ଡାକରେ କି ଅଛି ?

ବଞ୍ଚିଥିଲା ବେଳେ ଦେଇନାହଁ ସୁଖ

ନିଜ ଖୁସି ପାଇଁ ଜାଳୁଛ ସମସ୍ତେ 

ମିଛେ ଖାଲି ଶହ ସହ ଘିଅ ଦୀପ ।

ଦାମୀ ଦାମୀ ବାଣ ଫୁଟାଉଛ କେତେ

ତାଳଫୋଟକା ଲଙ୍କା ସାଥେ ରକେଟ

ହାବେଳି ପଟାସ ବମ୍ବାଜି ଅନେକ

ପାଉଅଛ ସରବେ କିଛି ଆନନ୍ଦ  ।

ଧିକ ତୁମେ ମାନବ ସକଳ ଧିକ

କରନ୍ତୁ ସରବେ ଟିକେ ପଶ୍ଚାତାପ

ଅନେକ ଜନତା ଉପାସେ ମରନ୍ତି 

କି ହୋଇବ ଭାଇ ଜାଳିଲେ ଏ ଦୀପ ?

ସେହି ଟଙ୍କା ଯଦି ଦାନ ଦେଇଥା'ନ୍ତ 

କେତେ ଦୀନ ହୋଇଥା'ନ୍ତେ ଉପକୃତ

ସେ ସବୁ ନକରି ଖୁସିରେ ସରବେ

ଦୀପ ଜାଳି ଦୀପାବଳୀ ପାଳୁଅଛ ।

ଯଦି କେବେ ତୁମେ ଦରିଦ୍ର କୁଳରେ

ଜନ୍ମ ହୋଇ କେହି ମାଗୁଥା'ନ୍ତେ ଭିକ

ତେବେ ସେ ଜାଣନ୍ତେ ଦୀନର ବେଦନା

ପାଳନ୍ତେ କି ଆଉ ଦୀପାବଳୀ ପର୍ବ !

ଭାଟପଡ଼ା , ନିରାକାରପୁର , କଣାସ ,ପୁରୀ 

             ୮୨୪୯୭୭୨୩୬୧