ଦୀପାବଳି

କାବ୍ଯଭୂଷଣ ଶିବ ପ୍ରସାଦ ବାହିନୀପତି 

ଅଭିନନ୍ଦନ ଘେନ ଅଭିନନ୍ଦନ 

ଦୀପାବଳି ପରବ କର ପାଳନ । 

ଜାଳିଦିଅ ପ୍ରଦୀପ ଯାଉ ତମସା

ମନେ ସଞ୍ଚରୀ ବନ୍ଧୁ ନବୀନ ଆଶା ।

ଉଆଁସ ରଜନୀରେ ଉଇଁବ ଜହ୍ନ 

ଉତ୍‌ଫୁଲ୍ଲିତ ହେବ ସବୁରି ମନ ।

ଦେଖିଚାହିଁ ବନ୍ଧୁ ଜାଳିବ ପ୍ରଦୀପ

କିଛି ଅଘଟଣ କେବେ ନ ହୋଇବ ।

ଧପଧପି ଫୁଲଝରି ଚକ୍ରିବାଣ

କଲିରିଫୁଲ ବାଣ ଦୋକାନୁ କିଣ ।

ସାପବାଣ କୁମ୍ପିବାଣ ଦିଆସିଲି

ବାଣ ସବୁ କିଣି ପାଳ ଦୀପାବଳି ।

ଉଚ୍ଚଶକ୍ତି ସମ୍ପନ୍ନ ଯେତେକ ବାଣ

ଫୁଟାନାହିଁ ଶବ୍ଦ ହେବ ପ୍ରଦୂଷଣ ।

ଏ ବାଣରେ ଅଛି କେତେ ଯେ ବିପଦ

ଭାଷାରେ କହିବା ନୁହଁଇ ସମ୍ଭବ ।

ତେଣୁ ହେ ବନ୍ଧୁ ମୋର କଥାଟି ଘେନ

ଛୋଟ ବାଣ ଫୁଟାଇ ରଖ ଜୀବନ ।

ଜୀବନ ଆମର ବହୁ ମୂଲ୍ୟବାନ 

ଅକାରଣେ କାହିଁ ହାରିବ ପରାଣ । 

ସୂତା ପୋଷାକ ପିନ୍ଧି ଫୁଟାନ୍ତୁ ବାଣ

ପାଶେ ରଖ ପାତ୍ର କରି ଜଳପୂର୍ଣ୍ଣ ।

ଦୀପାବଳିର ଏଇ ଶୁଭ ଦିନରେ

ଅଭିନନ୍ଦନ ମୋର ଘେନ ସାଦରେ ।

ଆଉ କରୁନାହିଁ ମୁଁ ବେଶି ବର୍ଣ୍ଣନା

ଜଣାଉଛି ମୁଁ ଶିବ ଶୁଭକାମନା ।

କାଳୀ ମା' ସଭିଙ୍କୁ ହୁଅନ୍ତୁ ସଦୟ

ତାଙ୍କ ପାଦେ ମୋର ଏତିକି ବିନୟ ।

ପ୍ରତିଷ୍ଠାତା/ମୁଖ୍ୟ ସମ୍ପାଦକ - ସୁଦେଷ୍ଣା ପ୍ରମୋଦ ସାହିତ୍ଯ ସଂସଦ 

ଭାଟପଡ଼ା , ନିରାକାରପୁର , କଣାସ , ପୁରୀ 

ଯୋଗାଯୋଗ - ୮୨୪୯୭୭୨୩୬୧