ଶ୍ଯାମାକାଳୀ ସ୍ତୁତି
କାବ୍ଯଭୂଷଣ ଶିବ ପ୍ରସାଦ ବାହିନୀପତି
ଶକ୍ତିମୟୀ ଶ୍ଯାମାକାଳୀ ଶାରଙ୍ଗ ବାହନୀ
ଶ୍ଯାମବର୍ଣ୍ଣା ଲୋଳଜିହ୍ବା ଶିରୋସ୍ଥିମାଳିନୀ ।
ଶତାନକ ବାସିନୀ ଗୋ ମୁକୁଳା ବୃଜିନା
ଶତ ଶତ ପ୍ରଣିପାତ ମାତ କର ଘେନା ।
ଶ୍ରିତ ଶ୍ଯାମା ଚରଣରେ ଦୀନଦୁଃଖୀ ସୁତ
ଶରଣ ରକ୍ଷଣୀ ଶିବା ସାହା ହୁଅ ମାତ ।
ଶକ୍ର ସ୍ତୁତି ଶୁଣି ଉଭା ହେଲ ତା'ର କତି
ଶତ୍ରୁ ସଂହାରି ବିନାଶିଲ ତା'ର ବିପତ୍ତି ।
ଶୋକେ ପଡ଼ି କରଯୋଡି କରୁଅଛି ସ୍ତବ
ଶରଣ ଦିଅ ଚରଣେ ଶ୍ଯାମାକାଳୀ ତବ ।
ଶମ୍ବଳ ହୀନ ସନ୍ତାନ ଶୈଳଜା ମୁଁ ତୋର
ଶପ୍ତ ଜୀବନୁ ଜନନୀ ମୋତେ ମୁକ୍ତ କର ।
ଶିବ ଭଜେ ଶିବା ପଦ ଅଙ୍କେ ଦିଅ ସ୍ଥାନ
ଶଶ୍ବତ୍ ନେତ୍ର ଶବରେ କ୍ଷାଳୁଛି ଚରଣ ।
ପ୍ରତିଷ୍ଠାତା/ମୁଖ୍ଯ ସମ୍ପାଦକ - ସୁଦେଷ୍ଣା ପ୍ରମୋଦ ସାହିତ୍ଯ ସଂସଦ
ଭାଟପଡ଼ା , ନିରାକାରପୁର , କଣାସ , ପୁରୀ
ଯୋଗାଯୋଗ - ୮୨୪୯୭୭୨୩୬୧
Comments
Post a Comment