ବିଶେଷ ଝଲକ

     କାବ୍ଯଭୂଷଣ ଶିବ ପ୍ରସାଦ ବାହିନୀପତି 

                          ସମ୍ପାଦକ - ଉଦୟ ଭାନୁ 

ସଂସାରଟା ସ୍ବାର୍ଥପର ବୋଲି ଜାଣିଲା ବେଳକୁ 

ବହୁତ ଡ଼େରି ହୋଇ ସାରିଥିଲା ମୋର

ସମସ୍ତେ ସୁବିଧାବାଦୀ ବୋଲି ବୁଝିଲା ବେଳକୁ

ଅଡ଼ୁଆ ହୋଇ ସାରିଥିଲା ସୂତା ବିଣ୍ଡିଲିଟା ।

ରକ୍ତ ସମ୍ପର୍କ ବି ରକ୍ତପାନର ପିପାସୁ

ଏଇ ତ ଆମ ଓଡ଼ିଆ ଜନଜାତିର ଲକ୍ଷଣ 

ବଡ଼ବଡ଼ିଆଙ୍କ ତୁଣ୍ଡରେ ଓଡ଼ିଶା କଙ୍କଡା 

ଟାଣି ଦିଅ ଟାଙ୍କ ସେ ପଡ଼ିଯାଉ ତଳେ ।

ମୁଁ ବଡ଼ ମୁଁ ବଡ଼ର ଉଚ୍ଚ ସ୍ଲୋଗାନରେ

ପ୍ରକମ୍ପିତ ଏଇ ଗୌରବମୟ ଓଡ଼ିଶା ମାଟି 

ମୁଁ ସର୍ବଜ୍ଞାତାର ପରିଚୟେ ପରିଚିତ

ତୁ ମତେ ଦେ' ମୁଁ ତତେ ଦେବିର ନ୍ଯାୟ ।

ପର କାନ୍ଧରେ ପାଦ ରଖି ପଥ ଚାଲିବା

ମିଠା କଥାରେ ଉହ୍ଯ ମହଣ ମହଣ ସ୍ବାର୍ଥ

ସିଂହାସନ ଲୋଭରେ ଶୋଣିତ ସରସୀ ସୃଷ୍ଟି 

ମିଛ ପ୍ରଶଂସାର ପ୍ରଚୁର ପ୍ରହସନରେ ଓଡ଼ିଶା ।

ରାତାରାତି ପ୍ରତିପତ୍ତି ଆଉ ନାଁ କମେଇବାର

ନିଶାରେ ମସ୍‌ଗୁଲ୍‌ ମହାଜ୍ଞାନୀ ବୋଲାଉଥିବା

କିଛି ବଡ଼ବଡ଼ିଆ ହାତ ଗଣତି ହସ୍ତୀମାନେ ;

କଳେ-ବଳେ-କୌଶଳେ ପର ଧନ ଅପହରଣ ।

ସୁଯୋଗ ପାଇଲେ ଯେମିତି ଦିଅଁ ଗିଳି

ଖଟୁଳିକୁ ଗିଳିଦେବେ ଏମାନେ ନିମିଷକେ  ;

ନିଜକୁ ମନେ ମନେ ମାଲିକ ଆସନରେ ବସେଇ 

ସମସ୍ତଙ୍କୁ ଭାବିନେବେ ଏ ମୋର ଭୃତ୍ଯ ବୋଲି ।

ଏଠି କେହି ଭୃତ୍ଯ ହେବାକୁ ଚାହାନ୍ତି ନାହିଁ 

ସମସ୍ତେ ନିଜକୁ ମାଲିକ ହିଁ ଭାବି ନିଅନ୍ତି  ;

ସେହିମାନେ ଭୃତ୍ଯତା ସ୍ବୀକାର କରନ୍ତି ଯିଏ କି

ଧନବଳ ଓ ମଣିଷ ବଳର ଘୋର ଅଭାବୀ ।

ଏଇ ଆମ ଓଡ଼ିଶା ପ୍ରଦେଶର ମହିମାମୟ

ଗୌରବମୟ କାରନାମାର ବିଶେଷ ଝଲକ 

ଯାହା ଓଡ଼ିଆ ଜନଜାତିର ଉତ୍‌ଥାନ ବଦଳରେ 

ପତ୍ତନତାକୁ ପ୍ରତିପାଦିତ କରିପାରୁଛି ।।

ଭାଟପଡ଼ା, ନିରାକାରପୁର , କଣାସ ,ପୁରୀ 

         ଫୋ- ୮୨୪୯୭୭୨୩୬୧