ଆଉ ସହିବାର ନୁହଁ

କାବ୍ଯଭୂଷଣ ଶିବ ପ୍ରସାଦ ବାହିନୀପତି 

        ସମ୍ପାଦକ - ଉଦୟ ଭାନୁ 

ମର୍ତ୍ତ୍ଯରେ ଚାଲିଛି ବିଲୁଆ ବିଚାର

ରାଜନୀତି ଏଠି ଜୋର୍‌ ପ୍ରଚାର । 

ନିଜ ପରଶଂସା ନିଜେ କରି ଗାନ

ଅର୍ଥ ସାଜିପାରେ ଅନର୍ଥ କାରଣ ।

ଟଙ୍କା ପାଇଁ  ବିଷ୍ଟା ଲାଗଇ ଅମୃତ

ଶତ୍ରୁ ବନେ ନର ବଖାଣିଲେ ସତ । 

କହିଲେ କହିବ ଆମକୁ କହିଲା

ଚିନ୍ତିବ କପାଳେ ବିହି ଲେଖି ଥିଲା । 

ବିନା ମେଘେ ବଜ୍ରପାତ ସାଧୁ ଶିରେ

ମଧୁ ଭାଷ୍ୟେ ବିଷ ଦେବେ ବିଶ୍ୱାସରେ ।

କଳିଯୁଗେ କଳି ମହା ବଳଶାଳୀ 

ବାସ୍ତବ ଭଣିଲେ ପାଦେ ଦେବେ ଦଳି ।

ଅମୀୟ ବାଣୀ ବାଣ୍ଟୁଥିବେ କେତେ କେତେ

ବିଷ ବୀଜ ବୁଣୁଥିବେ ଏ ମରତେ । 

ଧରମ କାନ୍ଦୁଛି ବସି କଇଁ କଇଁ 

ସରବେ ଉତ୍ସୁକ ଉଚ୍ଚପଦ ପାଇଁ । 

ଶିକ୍ଷା ଦେବା ପାଇଁ ସର୍ବେ ଆଗଭର

ଶିଖିବାକୁ କେହି ଜଣେ ନାହିଁ ନର ।

ସ୍ବାର୍ଥ ପାଇଁ ବ୍ଯର୍ଥ ଅର୍ଜିତ ଧରମ

ପରାଣରେ ବାଧା କହିଲେ ମରମ । 

ଆଜିକାଲି ରୀତି ବଡ଼ ବିପରୀତ 

ଅସତ୍ଯ ଅଧର୍ମ କରଇ ରାଜତ୍ବ ।

ଆହବ ହୁଙ୍କାରେ ସର୍ବେ ଲମ୍ଫ ଦିଅ

ଶିବ ଭଣେ ଆଉ ସହିବାର ନୁହଁ ।।

ପ୍ରତିଷ୍ଠାତା/ମୁଖ୍ଯ ସମ୍ପାଦକ - ସୁଦେଷ୍ଣା ପ୍ରମୋଦ ସାହିତ୍ଯ ସଂସଦ 

ଭାଟପଡ଼ା-ନିରାକାରପୁର-କଣାସ-ପୁରୀ

ଯୋଗାଯୋଗ - ୮୨୪୯୭୭୨୩୬୧