ଭାଗ୍ଯହୀନ ଜୀବନର ଖେଦୋକ୍ତି

     କାବ୍ଯଭୂଷଣ ଶିବ ପ୍ରସାଦ ବାହିନୀପତି 

 କେଡ଼େ ଭାଗ୍ଯହୀନ     ମୋର ଏ ଜୀବନ

               ଜନମୁ ଯନ୍ତ୍ରଣା ଭାର

     କେଉଁ ଜନ୍ମ କୃତ     ଏ ଅଭିସମ୍ପାତ

             ବୁଝାଇ କୁହ ଠାକୁର । 

            ଆପଣା ସାଜିଲେ ପର ,

            ପର ନୋହିଲେ ନିଜର ;

   ସ୍ବାର୍ଥର ସଂସାରେ     ନିଃସ୍ବାର୍ଥ ଭାବରେ

            ବଞ୍ଚିବା ଜଟିଳକର...।୦।

      ନାହିଁ ଧନ ବଳ     ସେଲାଗି ସକଳ

               ଶତ୍ରୁ ପରି ବ୍ଯବହାର

     ନାହିଁ କେ' ନିଜର      ବନ୍ଧୁ ସହୋଦର 

             ନିଃସଙ୍ଗ ଜୀବନ ମୋର ।

                ଛାତିକୁ କରି ପଥର ,

                ସହୁଛି କଷଣ ଭାର ;

     କେତେଦିନ ଆଉ    କୁହ ମହାବାହୁ 

        ଦେଖିବ ଏ ଦୁଃଖ ମୋର...।୧।

      ଆଉ ପାରୁନାହିଁ      ଜମାରୁ ମୁଁ ସହି

             ଦୁଃଖ ମୋ' ଲାଘବ କର

      ବହି ଦୟା ଭାବ      ତଟେ ଦିଅ ନାବ

                କରିନିଅ ଆପଣାର ।

              ଏତିକି ପ୍ରାର୍ଥନା ମୋର ,

                ଶୁଣିବା ହୁଅ ଠାକୁର ;

        ଚ଼ରଣେ ଶରଣ     ଦିଅ ନାରାୟଣ

             ସେବିବି ପଦ୍ମ ପୟର...।୨।

   

  ଭାଟପଡ଼ା , ନିରାକାରପୁର , କଣାସ , ପୁରୀ 

       ଯୋଗାଯୋଗ - ୮୨୪୯୭୭୨୪୬୧