ଜୀବନ୍ତ କାକୁଡ଼ି

କାବ୍ଯଭୂଷଣ ଶିବ ପ୍ରସାଦ ବାହିନୀପତି

ବିଶାଳ ସମୁଦ୍ରୋଦରରେ

ବିଚିତ୍ର ବିସ୍ମୟ ଅଲୌକିକ ଜୀବ

ଅନେକ ତ ଅଛନ୍ତି 

ଯାହାର କଳନା ନାହିଁ ।

ହେଲେ ,

ଏକ ନିଆରା ସାମୁଦ୍ରିକ ପ୍ରାଣୀ

ମତେ ବିସ୍ମୟାଭିଭୁତ କରିଦେଲା 

ଯାହାକୁ ମୁଁ ପ୍ରଥମ ଥର ଦେଖିଲି ।

ନିଜ ଆଖିକୁ ବି ମୁଁ ନିଜେ

ବିଶ୍ବାସ କରିପାରି ନଥିଲି ସେକାଳେ

ମୋ' ଦୃଷ୍ଟିଟା ଅଟକି ଗଲା ସେହି

ବିସ୍ମିତ ସାମୁଦ୍ରିକ ପ୍ରାଣୀଟି ପାଖରେ ।

ବେଳାଭୂମିର ବାଲୁକାରାଶିରେ

ପଦଚାରଣ କରୁ କରୁ ମୋର

ଦୃଷ୍ଟି ପରିସର ଭିତରକୁ ଆସିଗଲା

ସେଇ ସୁନ୍ଦର ବିଚିତ୍ର ପ୍ରାଣୀଟି ।

ହଠାତ ଦେଖିଲି ବେଳାଭୂମିର

ବାଲୁକାରାଶିରେ ଢ଼େଉର ଶେଷ ସୀମାରେ

କେମିତି କେଜାଣି ଚାଲି ଆସିଥିବା

ପ୍ରକୃତିର ବିସ୍ମୟ ଜଳଜୀବଟିକୁ ।

ହଠାତ୍ ସ୍ତମ୍ଭୀଭୂତ ହୋଇ

ସ୍ତମ୍ଭ ପରି ଛିଡ଼ା ହୋଇଗଲି ମୁଁ

ସେହି ସମୟତକ ଯୋଉ ସମୟତକ 

ମୋ' ଦୃଷ୍ଟିଟି ସେ ପ୍ରାଣୀଟି ଉପରେ ଥିଲା ।

ମତେ ଏମିତି ଲାଗୁଥିଲା 

ଯେମିତି ଗୋଟେ ବଡ଼ କାକୁଡ଼ି 

ସାଗର ତଟର ବାଲୁକାରାଶି ଉପରେ

କେହି ଜଣେ ଫିଙ୍ଗି ଦେଇଛି ।

ଭଲ ଭାବରେ ନିରୀକ୍ଷଣ ପରେ

ହଠାତ୍ ଏକ ଘଟନା ମତେ

ଆହୁରି ଚକିତ କରି ପକେଇଲାଲ

ଯାହା ମୁଁ ଅଧିକ ଅଭିଭୁତ ହେଲି । 

ହଠାତ୍‌ ସେ ଚାଲିବାକୁ ଆରମ୍ଭ କଲା

ଧିରେ ଧିରେ କାକୁଡ଼ିଟି

ସମୁଦ୍ରର ଗଭୀର ଜଳରାଶିରେ

ଲୀନ ହୋଇଗଲା ।

ମୁଁ ସେମିତି ଚାହିଁ ରହିଥାଏ 

ଅପଲକ ନେତ୍ରରେ ସାଗରକୁ

ଜଣେ ମତ୍ସ୍ଯଜୀବୀଙ୍କଠୁ ଜାଣିଲି

ଚକିତ କରିଥିବା ଜୀବଟିର ପରିଚୟ ।

ତାଙ୍କ ଉତ୍ତର ଥିଲା ଯେ 

ଜୀବଟିର ନାଁ ସମୁଦ୍ର କାକୁଡ଼ି

ଏକ ପ୍ରକାର ସାମୁଦ୍ରିକ ମତ୍ସ୍ଯ 

ଦୂରକୁ କାକୁଡ଼ିର ଭ୍ରମ ସୃଷ୍ଟି କରେ ।

ସେଦିନର ଦୃଶ୍ଯ ଏବେ ବି ସୁଦ୍ଧା 

ମୋ' ଚକ୍ଷୁପଟ୍ଟର ପ୍ରତିଲିପି 

ନିଆରା ଥିଲା ସେ ଦୃଶ୍ୟ 

ଆତ୍ମବିଭୋର କରିଦେଇଥିଲା ।

ପ୍ରତିଷ୍ଠାତା / ମୁଖ୍ୟ ସମ୍ପାଦକ - ସୁଦେଷ୍ଣା ପ୍ରମୋଦ ସାହିତ୍ଯ ସଂସଦ 

ଭାଟପଡ଼ା , ନିରାକାରପୁର , କଣାସ , ପୁରୀ 

ଯୋଗାଯୋଗ - ୮୨୪୯୭୭୨୩୬୧