ଆଇନା ଦେଖୁଛି ରାଧା ସଜେଇ ହେବ

  କାବ୍ଯଭୂଷଣ ଶିବ ପ୍ରସାଦ ବାହିନୀପତି           

     ଆଇନା ଦେଖୁଛି ରାଧା ସଜେଇ ହେବ 

    ଆଇନା ବୁଝେନା ତା'ର କେମିତି ଭାବ ;

          ନୂଆ ଆଇନା ଭାରି ଆଦର ,

        ପୁରୁଣା ହେଲେ ହେବ ଅସାର ,

   ନୂଆ ଗୋଟେ ପାଇଁ ମୀନାବଜାର ଯିବ ।୦।

      ଆଇନା ସାଥିରେ ଭାବ ଅଢ଼େଇ ଦିନ

      ଚନ୍ଦ୍ରସେଣା ଆସିଗଲେ ଭାଙ୍ଗିବ ସ୍ବପ୍ନ ;

          ଆଉ ସେ କୁହ କାହାର ହେବ , 

            କିଏ ବା ଆଉ ଭଲପାଇବ ,

     ଅଳିଆଗଦାଟି ତା'ର ନିବାସ ହେବ ।୧।

       ନୂଆ ନୂଆ ରାଧିକାର ଡେଣା ଲାଗିଛି

      ଭଲ - ମନ୍ଦ କିବା ତାକୁ ଜଣା ପଡୁଛି !

           କଂସା ମାଠିଆ କିଛି ନହେବ ,

          ମାଜି ଦେଲେ ସେ ନୂଆ ଦିଶିବ ,

     ରାଧା ମାଟି ହାଣ୍ଡି ହୋଇ ତୁଟୁନି ଗର୍ବ ।୨।

        ସବୁ ଜାଣି ଅବୁଝା ବି ହୁଏ ଆଇନା

      କ୍ଷଣିକ ସୁଖ ନିମିତ୍ତ କେତେ ବାହାନା ;

         ନିଶ୍ଚେ ଭୋଗ ହେବ ପରାଭବ ,

          ବୁଝିଲା ବେଳେ କିଛି ନଥିବ ,

   ଲୁହ ପୋଛିବାକୁ କେ' ଜଣେ ନ ଆସିବ ।୩।

  ସମ୍ପାଦକ(ପ୍ରତିଷ୍ଠାତା) -ସୁଦେଷ୍ଣା ପ୍ରମୋଦ ସାହିତ୍ଯ ସଂସଦ 

ସମ୍ପାଦକ - ସୁଦେଷ୍ଣା ଖବରକାଗଜ 

ଭାଟପଡ଼ା , ନିରାକାରପୁର , କଣାସ , ପୁରୀ 

ଯୋଗାଯୋଗ - ୮୨୪୯୭୭୨୩୬୧