ଅନନ୍ତ ବାସୁଦେବ ସ୍ତୁତିକା

କାବ୍ଯଭୂଷଣ ଶିବ ପ୍ରସାଦ ବାହିନୀପତି 

ଅଜର ଅମର ତୁମେ ଅବ୍ଯକ୍ତ ଠାକୁର

ଅମାପ ଅଂଶଳ ଶ୍ରୀନାଥ ଜଗଦୀଶ୍ବର । 

ଅନନ୍ତ ନାଗ ପଲଙ୍କେ କ୍ଷୀର ସମୁଦ୍ରରେ

ଅକୃତର ଅକ ନାଶ ଶୋଇ ନିଶ୍ଚିନ୍ତରେ ।

ଅହରହ ଯୋଗେ ରତ ଅନନ୍ତ ଗୋସାଇଁ 

ଅଂହ୍ରି ସେବୁଛନ୍ତି ମହାଲକ୍ଷ୍ମୀ ମହାମାୟୀ ।

ଅଗିର ଶଶାଙ୍କ ନିତ୍ଯ ପଦେ ପ୍ରଣମନ୍ତି

ଅନଳ ଅନିଳ ନତ ମସ୍ତକେ ନମନ୍ତି ।

ଅନୁଗ ଦେବର୍ଷି ନାରଦ କରନ୍ତି ସ୍ତବ

ଅପେକ୍ଷାରେ ଖଗ ଅଛି ଅନୁଜ୍ଞାକୁ ତବ ।

ଅନାଥ ଜନର ନାଥ ତୁମେ ବାସୁଦେବ

ଅନ୍ତଃକରଣୁ ହକାରେ ରଖନ୍ତୁ କେଶବ ।

ଅଜସ୍ର ଯନ୍ତ୍ରଣା ହରି ଆହେ ଦଇତାରୀ 

ଅଙ୍କେ ତବ ସ୍ଥାନ ଦିଅ କରୁଛି ଗୁହାରି ।।

ସମ୍ପାଦକ(ପ୍ରତିଷ୍ଠାତା) - ସୁଦେଷ୍ଣା ପ୍ରମୋଦ ସାହିତ୍ଯ ସଂସଦ 

ସମ୍ପାଦକ - ସୁଦେଷ୍ଣା ଖବରକାଗଜ 

ଭାଟପଡ଼ା , ନିରାକାରପୁର , କଣାସ , ପୁରୀ 

              ୮୨୪୯୭୭୨୩୬୧